ଚୌଦ୍ୱାର : ସ୍ଥାନୀୟ ବାଜି ରାଉତ ଯୁବକ ସଂଘ ଆନୁକୁଲ୍ୟରେ ଇଷ୍ଟଦେବୀ ମା ଅଶ୍ୱେନୀ ବାସେଳୀଙ୍କ ଚୈତ୍ରପର୍ବ ସମାରୋହରେ ଅନୁଷ୍ଠିତ ହୋଇ ଯାଇଛି । ଯୁବକ ସଂଘ ସଭାପତି ବିଜୟ କୁମାର ବେହେରାଙ୍କ ପୌରୋହିତ୍ୟରେ ବଡ଼ ବଜାରସ୍ଥିତ ସତ୍ୟ ନାରାୟଣ ପୂଜା ମଣ୍ଡପରେ ଆୟୋଜିତ ଉଦଯାପନୀ ଉତ୍ସବରେ ପୂର୍ବତନ ନଗରପାଳ କୈଳାସ ଚନ୍ଦ୍ର ବେହେରା, ସୁ ପ୍ରତିଷ୍ଠିତ ଘୋଡ଼ାନାଚ ଶିଳ୍ପୀ ପଦ୍ମଶ୍ରୀ ଉଚ୍ଛବ ଚରଣ ଦାସ, ସମାଜସେବୀ କ୍ଷୀରୋଦ ଚନ୍ଦ୍ର ସାହୁ , କାଉନସିଲର ଅଜୟ କୁମାର ବେହେରା (ଅଜିନୀ)ପ୍ରମୁଖ ଏଥିରେ ଅତିଥି ଭାବେ ଯୋଗଦେଇ ଚୈତ୍ର ପର୍ବ ପାଳନର ବିଶୋଷତା ଓ ଅଶ୍ୱିନୀ ବାସେଳୀଙ୍କ ପୂଜା ମହାତ୍ମ୍ୟ ସମ୍ପର୍କରେ ଆଲେଶଚନା କରିଥିଲେ । ଏହି ଅବସରରେ ଚଇତି ଘୋଡ଼ାନାଚ ଶିଳ୍ପୀ ମାନଙ୍କ ଦ୍ୱାରା ଘୋଡ଼ାନାଚ ଏବଂ ସ୍ଥାନୀୟ କଳାକାର ମାନଙ୍କଦ୍ୱାରା ନୃତ୍ୟ ବିଚିତ୍ରା ପରିବେଷଣ କରାଯାଇଥିଲା । କ୍ଲବର କୋଷାଧ୍ୟକ୍ଷ ମଙ୍ଗରାଜ ବେହେରା, ମକରନ୍ଦ କାହାଳୀ, ଗଗନ ବେହେରା, ପ୍ରଦ୍ୟୁମ୍ନ ତରାଇ, ସୁବାସ ଚନ୍ଦ୍ର ଦଳାଇ, ଦିଲ୍ଲିପ ସାହୁ, ଶରତ ଚନ୍ଦ୍ର ବେରୋ,ବିଚିତ୍ରାନନ୍ଦ ସାହୁଙ୍କ ସମେତ ସମସ୍ତ ସଦସ୍ୟ କାର୍ଯ୍ୟକ୍ରମ ପରିଚାଳନା କରିଥିଲେ ।
Comments are closed.