ଆଠଗଡ : ଆଠଗଡ ସହରର ଚାନ୍ଦବାଲି ଛକ ନିକଟରେ କେନ୍ଦ୍ରମନ୍ତ୍ରୀ ଗିରିରାଜ ସିଂହଙ୍କୁ ଭାରତୀୟ ଜନତା ପାର୍ଟି ପକ୍ଷରୁ ଭବ୍ୟ ସମ୍ବର୍ଦ୍ଧନା ଜ୍ଞାପନ କରାଯାଇଛି । ଭୁବନେଶ୍ୱରରୁ ଆଠମଲ୍ଲିକ ଯିବା ରାସ୍ତାରେ ଶୁକ୍ରାବାର ଚାନ୍ଦବାଲିଛକଠାରେ ଭାରତୀୟ ଜନତା ପାର୍ଟିରେ ନୂତନଭାବେ ଯୋଗଦେଇଥିବା ନେତା ଅଭୟ କୁମାର ବାରିକ ଓ ଦଳୀୟ କାର୍ଯ୍ୟକର୍ତ୍ତା ଶ୍ରୀ ସିଂହଙ୍କୁ ପୁଷ୍ପଗୁଚ୍ଛ ଦେଇ ସ୍ୱାଗତ କରିଥିଲେ। ଆଠଗଡ ନିର୍ବାଚନ ମଣ୍ଡଳୀରେ ଦଳକୁ ତୃଣମୂଳସ୍ତରରେ ସଂଗଠିତ ଓ ମଜବୁତ କରିବା ଲାଗି ଶ୍ରୀ ସିଂହ ଦଳୀୟ ନେତା ଓ କର୍ମୀଙ୍କୁ ପରାମର୍ଶ ଦେଇଥିଲେ। ୨୦୨୪ ସାଧାରଣ ନିର୍ବାଚନରେ ଭାରତୀୟ ଜନତା ପାର୍ଟି ପୁନର୍ବାର ଦେଶର ସରକାର ଗଢିବ ଓ ନରେନ୍ଦ୍ର ମୋଦି ୩ୟ ଥର ପାଇଁ ପ୍ରଧାନମନ୍ତ୍ରୀ ଆସନ ଅଳଙ୍କୃତ କରିବେ ଏବଂ ଓଡିଶାରେ ମଧ୍ୟ ବିଜେପି ସରକାର ଗଠନ କରିବ ବୋଲି ଶ୍ରୀ ସିଂହ ଦୃଢୋକ୍ତି ପ୍ରକାଶ କରିଥିଲେ। ବିଜେପି ନେତା ଶ୍ରୀ ବାରିକଙ୍କ ସମେତ କାର୍ଯ୍ୟକର୍ତ୍ତା ସରୋଜ ଦାସ, ପ୍ରଶାନ୍ତ ବେହେରା, ନିରାକାର ସାହୁ, ନିବାସ ଚନ୍ଦ୍ର ଜେନା ତ୍ରିନାଥ ସାହୁ ଓ ଲକ୍ଷ୍ମୀଧର ରାଉତଙ୍କ ସମେତ ବହୁ ଦଳୀୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
Comments are closed.