ଆଠଗଡ : ବିଜୁ ଜନତା ଦଳ ପକ୍ଷରୁ ଶୁକ୍ରବାର ସ୍ଥାନୀୟ ବିଜୁ ପଟ୍ଟନାୟକ କଲ୍ୟଣ ମଣ୍ଡପଠାରେ ସମ୍ବିଧାନ ପ୍ରଣେତା ଭାରତରତ୍ନ ଡଃ ବି.ଆର. ଆମ୍ବେଦକରଙ୍କ ୧୩୨ତମ ଜୟନ୍ତୀ ପାଳିତ ହୋଇଯାଇଛି । ଦଳର ଅନୁସୂଚିତ ଜାତି ଓ ଜନଜାତି ମୋର୍ଚ୍ଚାର ସଭାପତି ରମେଶ ଚନ୍ଦ୍ର ଘଡେଇଙ୍କ ସଭାପତିତ୍ୱରେ ଆୟୋଜିତ ସଭାରେ ମୁଖ୍ୟଅତିଥି ଭାବେ ଦଳର ଜିଲ୍ଲା ଉପସଭାପତି ନୃସିଂହ ମହାପାତ୍ର, ମୁଖ୍ୟବକ୍ତା ଭାବେ ବ୍ଲକ ବିଜେଡି ସଭାପତି ରବିନ୍ଦ୍ରନାଥ ରାଉତ ଯୋଗଦେଇ ଆମ୍ବେଦକରଙ୍କ ତ୍ୟାଗପୁତ ଜୀବନାଦର୍ଶ ସଂପର୍କରେ ଆଲୋକପାତ କରିବା ସହ ତାଙ୍କ ନୀତି ଓ ଆଦର୍ଶକୁ ପାଥେୟ କରି ଏକ ସମତାଭିତ୍ତିକ ସମାଜଗଠନ ଦିଗରେ ଦଳୀୟକର୍ମୀ ଓ ଅନ୍ୟମାନେ ବ୍ରତୀ ହେବାଲାଗି ଆହ୍ୱାନ ଜଣାଇଥିଲେ। ବାବାସାହେବ ଯେଉଁ ସାମାଜିକ ନ୍ୟାୟ ମଧ୍ୟରେ ସମତା ଭିତ୍ତିକ ସମାଜ ଗଠନର ସ୍ୱପ୍ନ ଦେଖିଥିଲେ ତାକୁ ସାକାର କରିବା ପାଇଁ ସମ୍ମିଳିତ ଉଦ୍ୟମ ଲୋଡା ବୋଲି ଦଳିତ ମୋର୍ଚ୍ଚାର ସଂପାଦକ ମାନସ ମଲ୍ଲିକ, ସହସଂପାଦକ କାଶିନାଥ ବେହେରା, ସଂଯୋଜକ ଗଣେଶ୍ୱର ନାୟକ, ଜିଲ୍ଲା ପରିଷଦ ସଦସ୍ୟ ବଳଭଦ୍ର ବାଘ ଓ ଶାନ୍ତିଲତା ବେହେରା ପ୍ରମୁଖ ମତପ୍ରକାଶ କରିଥିଲେ। ଅନ୍ୟମାନଙ୍କ ମଧ୍ୟରେ ବିଶ୍ୱଜିତ୍ ପ୍ରଧାନ, ଜିଲ୍ଲା ପରିଷଦ ସଦସ୍ୟା ମୀନତି ଗାଗରାଇ, ବ୍ଲକ ଉପାଧ୍ୟକ୍ଷ, ସୁବାସ ମଲ୍ଲିକ, ଟାଙ୍ଗି ଚୌଦ୍ୱାର ବ୍ଲକର ପୂର୍ବତନ ଅଧ୍ୟକ୍ଷା ମଧୁସ୍ମିତା ସେଠୀ, ଜାନକୀଲତା ନାଏକ ପ୍ରମୁଖ ଉଦ୍ବୋଧନ ଦେଇଥିଲେ।
Comments are closed.