ସୁନ୍ଦରଗଡ଼: ଆଜି ଜଙ୍ଗଲରେ ନିଆଁ ଲିଭାଇବାକୁ ଯାଇଥିବା ବନ ବିଭାଗର ଏକ ଜିପ ଜଳି ଯାଇଛି। ତେବେ ଏଥିରେ କେହି ମୃତାହତ ହୋଇନ ଥିବା ସୂଚନା ମିଳିଛି। ସୁନ୍ଦରଗଡ଼ ସଦର ରେଞ୍ଜର ଭବାନୀପୁର ଜଙ୍ଗଲରେ ନିଆଁ ଲାଗିଥିବା ଖବର ପାଇ ବନ ବିଭାଗର ୬ଜଣିଆ ଟିମ ସେଠାକୁ ଯାଇଥିଲା। ଜଙ୍ଗଲ ନିକଟରେ ଜିପକୁ ରଖି ଭିତରକୁ ନିଆଁ ଲିଭାଇବାକୁ ଯାଇଥିବାବେଳେ ଏହା ଜଳି ଯାଇଥିବା ଦେଖାଯାଇଥିଲା। ତେବେ ଜିପଟି ଜଙ୍ଗଲ ନିଆଁରେ ଜଳିଛି ନା କିଏ ନିଆଁ ଲଗାଇ ଦେଇଛି, ତାହା ଜଣାପଡ଼ି ନାହିଁ।
ସୁନ୍ଦରଗଡ ସଦର ଫରେଷ୍ଟ ରେଞ୍ଜର ଭବାନୀପୁର ଜଙ୍ଗଲରେ ଆଜି ନିଆଁ ଲାଗିଥିଲା। ଖବର ପାଇ ବନ ବିଭାଗର ଏକ ୬ ଜଣିଆ ଟିମ୍ ଜଙ୍ଗଲରେ ପହଞ୍ଚିଥିଲେ। ସେମାନେ ଗାଡ଼ିକୁ ଜଙ୍ଗଲ ପାର୍ଶ୍ୱରେ ଠିଆ କରି ନିଆଁ ଲିଭାଇବାକୁ ଭିତରକୁ ଯାଇଥିଲେ। ସେମାନେ ଯେତେ ନିଆଁ ଲିଭାଉଥିଲେ, ସେତେ ନିଆଁ ଲାଗୁଥିଲା। ତେବେ ନିଆଁ ଲିଭାଉଥିବା ବେଳେ କେହି ଅପରିଚିତ ବ୍ୟକ୍ତି ବନ କର୍ମଚାରୀଙ୍କ ଜିପ ନିଆଁରେ ଜଳୁଥିବା ଫୋନ ଯୋଗେ ସୂଚନା ଦେଇଥିଲା। ଏକଥା ଶୁଣିବା ପରେ ବନ କର୍ମଚାରୀ ତୁରନ୍ତ ଜିପ ନିକଟକୁ ଆସି ସଙ୍ଗେ ସଙ୍ଗେ ଅଗ୍ନିଶମ ବିଭାଗକୁ ଖବର ଦେଇଥିଲେ। ଖବର ପାଇ ଅଗ୍ନିଶମ କର୍ମଚାରୀମାନେ ଘଟଣା ସ୍ଥଳରେ ପହଞ୍ଚି ନିଆଁ ଆୟତ୍ତ କରିଥିଲେ।
Comments are closed.