ଚାନ୍ଦିପୁଟ : ପ୍ରବାଦ ପୁରୁଷ ବିଜୁବାବୁଙ୍କ ଜୟନ୍ତୀ ଅବସରରେ ଗଜପତି ଜିଲ୍ଲା ଚାନ୍ଦିପୁଟ ଗ୍ରାମରେ ବିରାଟ ସମ୍ମିଳନୀ ଅନୁଷ୍ଠିତ ହୋଇଯାଇଛି । ଗଜପତି ଜିଲ୍ଲା ବିଜୁଜନତା ଦଳ ପକ୍ଷରୁ ଆୟୋଜିତ ସମ୍ମିଳନୀରେ ମୋହନା ବ୍ଳକ ଅଧ୍ୟକ୍ଷ ରଞ୍ଜୀବ ଶବରଙ୍କ ସଭାପତିତ୍ବ କରିଥିଲେ। ଆୟୋଜିତ କାର୍ଯ୍ୟକ୍ରମରେ ମୋହନା ବିଧାନସଭା ନିର୍ବାଚନ ମଣ୍ଡଳୀ ରାୟଗଡ଼ା, ନୁଆଗଡ, ଆର ଉଦୟଗିରି ଓ ମୋହନା ଚାରୋଟି ବ୍ଲକର ବହୁ ଜନପ୍ରତିନିଧି ନେତୃବୃନ୍ଦ ଯୋଗଦେଇ ବିଜୁବାବୁଙ୍କର ସୃତିଚାରଣରଣ ସହ ବିଜୁ ଜନତା ଦଳକୁ ସୁଦୃଢ କରିବା ପାଇଁ ଆଲୋକପାତ କରିଥିଲେ। ବୈଠକର ଆରମ୍ଭରେ ଅତିଥି ମାନଙ୍କୁ ସୁନ୍ଦର ନାଚଗୀତରେ ସ୍ୱାଗତ ସମ୍ବର୍ଦ୍ଧନା ଦିଆ ଯାଇଥିଲା। ସମ୍ମାନିତ ଅତିଥି ଭାଵେ ମୋହନା ବ୍ଲକ ପର୍ଯ୍ୟବେକ୍ଷକ ଏମ. ଜଗଦୀଶ ରାଓ ,ଜିଲ୍ଲା ପରିଷଦ ଉପାଧକ୍ଷା କୁନ୍ତଳା ମଳିକ, ବ୍ଲକ ଉପାଧକ୍ଷା ବାଲ୍ମୀନା ଅଧିକାରୀ, ଆର. ଉଦୟଗିରି ବ୍ଲକ ଅଧ୍ୟକ୍ଷ ଲକ୍ଷ୍ମୀ ନାରାୟଣ ଙ୍କ ସମେତ ଚାରୋଟି ବ୍ଲକର ଶହ ଶହ ଜିଲ୍ଲା ସ୍ତରୀୟ ଦଳୀୟ କର୍ମକର୍ତ୍ତା ଯୋଗଦେଇ ଥିଲେ। ଆୟୋଜିତ କାର୍ଯ୍ୟକ୍ରମରେ ବରିଷ୍ଠ ବିଜେଡି କର୍ମୀ ହାଡ଼ିଆ କନ୍ଧ, ବିଳାସ ନାୟକ, ଚନ୍ଦ୍ର କୁମାର ମଳିକ, ଯମୁନା ମଳିକ, ଅଭୟ ପରିଛା, ପ୍ରକାଶ ନାୟକ, ଲିଙ୍ଗରାଜ ପୂଜାରୀ, ରାମ ଦଳବେହେରା, ଜେମ୍ସ ରାଇକା, ମଧୁ ନାୟକ, ଫିରୋଜ ପଟ୍ଟନାୟକ, ଦଣ୍ଡାସି ସାହୁ, ରମା ପାଇକ, ଝୁମୁରି ବୀର, ସୁନିତା ଦଳବେହେରା, ଅନ୍ତର୍ଯ୍ୟାମୀ ଗମାଙ୍ଗଙ୍କ ସମେତ ବିଭିନ୍ନ ପଞ୍ଚାୟତ ର ସରପଞ୍ଚ, ସମିତି ସଭ୍ୟ-ସଭ୍ୟା, ବହୁ ଜନସାଧାରଣ ଯୋଗଦେଇ ଥିଲେ। ସରକାରଙ୍କ ଯୋଜନା ଲୋକଙ୍କ ପାଖରେ ପହଞ୍ଚାଇବାକୁ ପ୍ରଚେଷ୍ଟା ସହ ଆଗାମୀ ନିର୍ବାଚନ ରେ ଦଳୀୟ ପ୍ରଭାବ ଅଧିକ ସୃଷ୍ଟି କରି ସଂଗଠିତ ହେବାପାଇଁ ଗୁରୁତ୍ୱାରୋପ କରିଛନ୍ତି।
Comments are closed.