କଲ୍ୟାଣସିଂହପୁର: ରାୟଗଡା ଜିଲ୍ଲା କଲ୍ୟାଣସିଂହପୁର ବ୍ଲକ ପୂଜାରିଗୁଡା ପଞ୍ଚାୟତର ବଡନାୟକ ଗୁଡା ଗାଁର ଯୁବକ ଚିନୁ ନାଣକା(୧୮)ଙ୍କର ଶୁକ୍ରବାର ବିଦ୍ୟୁତ ସଂସ୍ପର୍ଶରେ ଆସି ମୃତ୍ୟୁ ଘଟିଛି । ବାପା ଦାନୁ ନାଣକାଙ୍କ କହିବା ଅନୁଯାୟୀ, ଆଜି ସକାଳୁ ବିଦ୍ୟୁତ ନଥିବା ବେଳେ ପରିବାର ଲୋକେ ମିଶି ଘର ଭିତରେ ଧାନ ଓଜନ କରୁଥିବା ବେଳେ ଅଚାନକ ଅପରାହ୍ନ ସମୟରେ ବିଦ୍ୟୁତ ଚାଲିଆସିଥିଲା । ବିଦ୍ୟୁତ ଆସିଥିବା କେହି ହେଲେ ଜାଣିପାରିନଥିଲେ । ଧାନ ଓଜନ କରୁଥିବା ବେଳେ ଯୁବକ ଚିନୁ ନାଣକାଙ୍କ ମୁଣ୍ଡରେ ବିଦ୍ୟୁତ ତାର ବାଜିବାରୁ ଯୁବକ ଛିଟ୍କି ପଡ଼ିଥିଲେ। ଯାହା ଫଳରେ ଚିନୁ ଘରର କାନ୍ତରେ ପିଟି ହୋଇଯାଇଥିଲେ। ଏହାପରେ ପରିବାର ଲୋକେ ସଙ୍ଗେ ସଙ୍ଗେ ଏକ ଅଟୋ ସାହାଯ୍ୟରେ ତାଙ୍କୁ ନେଇ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ମାତ୍ର ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଥିଲେ । ଖବର ପାଇ ଘଟଣା ସ୍ଥଳରେ ପୁଲିସ ଏଏସଆଇ ଅଶୋକ କୁମାର ନାୟକ ପହଞ୍ଚି ସମସ୍ତ ତଥ୍ୟ ଅନୁଧ୍ୟାନ କରିବା ପରେ ମୃତଦେହ ଜବତ କରି ବ୍ୟବଚ୍ଛେଦ କରିବା ପରେ ପରିବାରକୁ ହସ୍ତାନ୍ତର କରିଥିଲେ ।
Popular Categories
Previous article
Next article