ତିଗିରିଆ : ତିଗିରିଆ ବ୍ଲକ ଅନ୍ତର୍ଗତ ନୂଆପାଟଣା ମୁଣ୍ଡିଆ ସାହି ନିକଟରେ ଥିବା କାଜୁ ଜଙ୍ଗଲରେ ନିଆଁ ଲାଗି ଶହ ଶହ ଗଛ ଜଳିପୋଡ଼ି ନଷ୍ଟ ହୋଇଯାଇଛି। ନିଆଁର ପ୍ରକୋପରେ କାଜୁ, ଶାଗୁଆନ ଓ ୟୁକାଲିପଟାସ ଗଛ ବହୁ ସଂଖ୍ୟାରେ ଜଳିଯିବା ସହିତ ବହୁ ପକ୍ଷୀ ମଧ୍ୟ ଜଳି ଯାଇଛନ୍ତି । ନିଆଁର ପ୍ରକୋପ ଏତେ ଜୋର ଥିଲା ଯେ ଚାହୁଁ ଚାହୁଁ ସାରା ଜଙ୍ଗଲକୁ ନିଆଁ ବ୍ୟାପୀ ଯାଇଥିଲା । ଜଙ୍ଗଲରେ ନିଆଁ ଲାଗିଥିବାରୁ ଏହାର ପାର୍ଶ୍ବବର୍ତ୍ତୀ ଜନବସତିର ଲୋକମାନେ ଭୟଭୀତ ଅବସ୍ଥାରେ ଥିଲେ। ଖବର ପାଇ ତିଗିରିଆ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ସ୍ଥାନୀୟ ଲୋକଙ୍କ ସହାୟତାରେ ନିଆଁକୁ ଆୟତ୍ତ କରିଛନ୍ତି। ତେବେ ନିଆଁ ଲାଗିବାର ପ୍ରକୃତ କାରଣ ଜଣାପଡ଼ି ନଥିବା ବେଳେ କେହି ଦୁର୍ବୃତ୍ତ ନିଆଁ ଲଗାଇ ଦେଇଥିବା ସନ୍ଦେହ କରାଯାଉଛି।
Comments are closed.