ହାରଭଙ୍ଗା: ହରଭଙ୍ଗା ଥାନା ଅନ୍ତର୍ଗତ ଖରଭୂଇଁ ପୋଲ ନିକଟରେ ମଙ୍ଗଳବାର ସକାଳେ ଏକ ହାଇୱା ଧକ୍କାରେ ଦୁଇଟି ଗାଈ ଓ ଦୁଇଟି ବଳଦଙ୍କ ମୃତ୍ୟୁ ଘଟିଛି । ଫଳରେ ପ୍ରତିବାଦରେ ଗାଈ ମାଲିକ ରାସ୍ତାରୋକ କରିଥିଲେ । ଏନେଇ ହରଭଙ୍ଗା ପୁଲିସ ଖବର ପାଇବା ପରେ ଘଟଣାସ୍ଥଳରେ ପହଞ୍ଚି ଉତ୍ୟକ୍ତ ଲୋକଙ୍କୁ ବୁଝାସୁଝା କରିଥିଲା । ପରେ ରାସ୍ତାରୋକ ହଟିଥିଲା । ଖବରପାଇ ହରଭଙ୍ଗା ଅତିରିକ୍ତ ତାହସିଲଦାର ହରିଓମ୍ ଭୋଇ ମଧ୍ୟ ସେଠାରେ ପହଞ୍ଚିଥିଲେ । ଦୁର୍ଘଟଣାରେ ଅକ୍ରୁର ରାଜହଂସଙ୍କ ଗୋଟିଏ ଗାଈ, ନରେଶ ମାଝିଙ୍କ ଗୋଟିଏ ଗାଈ, ଗୋଟିଏ ବଳଦ ଓ ବୀରେନ୍ଦ୍ର ରଣାଙ୍କ ଗୋଟିଏ ବଳଦର ମୃତ୍ୟୁ ହୋଇଥିବା ଜଣାପଡିଛି । ଅନ୍ୟପଟେ ପୁଲିସ ଦୁର୍ଘଟଣାଗ୍ରସ୍ତ ହାଇୱାକୁ ଅଟକ ରଖି ତଦନ୍ତ ଚଳାଇଛି ।
Comments are closed.