ଫୁଲବାଣୀ: କନ୍ଧମାଳ ଜିଲାରେ ଲଗାଣ ବର୍ଷାରେ ବ୍ୟାପକ କ୍ଷୟକ୍ଷତି ଘଟିଛି। ଲଗାଣ ବର୍ଷାରେ କାହାର ଜମି ବୁଡି ଫସଲ ନଷ୍ଟ ହୋଇଛି ତ କାହାର ଘର ଭିତରେ ପାଣି ପଶି ଯାଇଛି। ଆଉ କାହାର ଘର ଭୁଶୁଡ଼ି ପଡ଼ିଥିବା ଦେଖିବାକୁ ମିଳିଛି। ଲୋକେ ବାସହରା ହୋଇପଡ଼ିଛନ୍ତି। ଏମିତି ଏକ ଦୁଃଖ ଭରା ଦୃଶ୍ୟ ଦେଖିବାକୁ ମିଳିଛି କନ୍ଧମାଳ ଜିଲା ଫିରିଙ୍ଗିଆ ବ୍ଲକ ପବିଙ୍ଗିଆ ପଞ୍ଚାୟତ ବବଡଙ୍ଗିଆ ଗ୍ରାମରେ ଘର ଭୁଶୁଡ଼ି ଯିବା ଫଳରେ ଧାନ ଚାଉଳ ଅନେକ ସାମଗ୍ରୀ ନଷ୍ଟ ହୋଇଯାଇଛି। ଦୁଃଖ କହିଲେ କୁନି କହଁର ସ୍ବାମୀ ତିନି ବର୍ଷ ପୂର୍ବରୁ ମୃତ୍ୟୁ ହୋଇଯାଇଛି। କିନ୍ତୁ ପରିବାରରେ ରହୁଛନ୍ତି ୪ ଜଣ ଛୋଟ ଛୋଟ ପୁଅ ଓ ଝିଅ ମିଶି ୬ ପରିବାର। ଘର ଖଣ୍ଡିଏ ପାଇଁ ବାରମ୍ବାର ସରକାରଙ୍କୁ ନିବେଦନ କରିଥିଲେ ମଧ୍ୟ ମିଳି ନଥିବା କହିଛନ୍ତି। ବର୍ତ୍ତମାନ ଯୋଉ ଘର ସାହାଭରଷା ତାହା ସମ୍ପୁର୍ଣ୍ଣ ଭାଙ୍ଗି ଯାଇଛି। ମୁଣ୍ଡ ଗୁଞ୍ଜିବାକୁ ପରିବାର ପାଇଁ ଘର ନାହିଁ। ଏ ପର୍ଯ୍ୟନ୍ତ କୈାଣସି ସରକାର ତରଫରୁ ସହାୟତା ମିଳିନି। କୁନି କହଁର ପରିବାର ଙ୍କୁ ସରକାରୀ ସହାୟତା ଯୋଗାଇ ଦେଲେ ଉପକୃତ ହୋଇପାରିବେ ବୋଲି ଗ୍ରାମବାସୀ ନାରାୟଣ କହଁର, ଶ୍ରୀକାନ୍ତ କହଁର, ଜଗନ୍ନାଥ କହଁର,ମାନସ କହଁର,ମାଣିଙ୍କି କହଁର ଦାବି କରିଛନ୍ତି।
Popular Categories
Previous article
Next article