ଉପୁଡି ପଡିଲା ବିଦ୍ୟୁତ ଖମ୍ବ; ୬ ଗୋରୁ ମୃତ, ଅଳ୍ପକେ ବର୍ତ୍ତିଲେ ୨ କର୍ମଚାରୀ

ଜହ୍ନ।ପଙ୍କ: ବୌଦ୍ଧ ଥାନା ପାଲଝାର ସ୍ଥିତ କୃଷି ଫାର୍ମରେ ସୋମବାର ଘଟିଛି ଏକ ଅଘଟଣ । ବିଦ୍ୟୁତ ଖମ୍ବ ପଡିଯିବାରୁ ବିଦ୍ୟୁତ ତାର ସଂସ୍ପର୍ଶରେ ଆସି ୬ ଗୋରୁଙ୍କ ମୃତ ଘଟିଥିବା ବେଳେ ଅଳ୍ପକେ ବର୍ତ୍ତି ଯାଇଛନ୍ତି ୨ ଫାର୍ମ କର୍ମଚାରୀ ।

ସୂଚନା ଅନୁଯାୟୀ, ବୌଦ୍ଧ ଜିଲ୍ଲା ବଘିଅପଡ଼ା ଫାଣ୍ଡି ଅନ୍ତର୍ଗତ ପାଲଝାର କୃଷି ଫାର୍ମରେ କିଛି ଲୋକ ଗୋରୁ ଚରାଉଥିଲେ । ହଠାତ ନୂତନ ଭାବେ ପୋତାଯାଇଥିବା ବିଦ୍ୟୁତ ଖମ୍ବ ଉପୁଡ଼ି ତଳେ ପଡି ଯାଇଥିଲା । ଜୀବନ୍ତ ବିଦ୍ୟୁତ ତାର ସଂସ୍ପର୍ଶରେ ଆସି ପାଖରେ ଚରୁଥିବା ୬ ଗୋରୁଙ୍କ ମୃତ୍ୟୁ ହୋଇଥିବା ବେଳେ ୨ ଗୋରୁ ଗୁରୁତର ଆହତ ହୋଇଛନ୍ତି । ଅପରପକ୍ଷେ ଫାର୍ମରେ କାର୍ଯ୍ୟରତ ଦୁଇଜଣ କର୍ମଚାରୀ ଅଳ୍ପକେ ବର୍ତ୍ତି ଯାଇଛନ୍ତି। ତେବେ ବିଦ୍ୟୁତ ଖମ୍ବ ଦୁର୍ବଳ ଭାବେ ପୋତା ଯାଇଥିବାରୁ ଏହା ଉପୁଡି ପଡିଥିବା ଜଣାପଡିଛି।