ନୂଆଦିଲ୍ଲୀ : ବଲିଉଡ୍ର ଲୋକପ୍ରିୟ ଅଭିନେତ୍ରୀ ଐଶ୍ୱର୍ଯ୍ୟା ନିଜର ସୌନ୍ଦର୍ଯ୍ୟ ଓ ବ୍ୟକ୍ତିତ୍ୱ ପାଇଁ ସର୍ବଦା ଚର୍ଚ୍ଚାରେ ରହି ଥାଆନ୍ତି । ଗତ କିଛି ଦିନ ଧରି ଅଭିଷେକ ଓ ଐଶ୍ୱର୍ଯ୍ୟାଙ୍କ ମଧ୍ୟରେ ଛାଡପତ୍ର ହେବା ନେଇ ଚର୍ଚ୍ଚା ଜୋର ଧରିଛି । ଏହା ମଧ୍ୟରେ ଐଶ୍ୱର୍ଯ୍ୟାଙ୍କ ଏକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ୍ ହେଉଛି । ଯାହାକୁ ଦେଖିବା ପରେ ପ୍ରଶଂସକଙ୍କ ମଧ୍ୟରେ ପୁଣି ଥରେ ଛାଡପତ୍ରକୁ ନେଇ ଅନେକ ପ୍ରଶ୍ନ ଉଠୁଛି । ଜାଣନ୍ତୁ ସମ୍ପୂର୍ଣ୍ଣ ଘଟଣା..
ଅଭିନେତ୍ରୀ ଦୁବାଇରେ ଆୟୋଜିତ ଗ୍ଲୋବାଲ ୱିମେନ୍ ଫୋରମରେ ଅଂଶଗ୍ରହଣ କରିଥିଲେ । ଏହି ସମୟରେ ଏପରି କିଛି ଘଟିଥିଲା ଯାହା ସୋସିଆଲ ମିଡିଆରେ ଆଲୋଚନାର ବାତାବରଣ ସୃଷ୍ଟି କରିଥିଲା। ଐଶ୍ୱର୍ଯ୍ୟାଙ୍କ ନାମରେ ‘ବଚ୍ଚନ’ ସାଙ୍ଗିଆ ଦେଖାଯାଇନଥିଲା । ଏହା ସମସ୍ତ ପ୍ରଶଂସକଙ୍କୁ ଆଶ୍ୱର୍ଯ୍ୟ କରିବା ସହ ବର୍ତ୍ତମାନ ପ୍ରଶ୍ନ ଉଠିଛି ଯେ ଏହା କାହିଁକି ହେଲା? ଏହା କେବଳ ଏକ ସଂକେତ ଥିଲା ନା ଏହା ପଛରେ ଅନ୍ୟ କିଛି କାରଣ ରହିଛି..
ଡିସେମ୍ବରରେ ୪ ଗ୍ରହଙ୍କ ଚଳନ, ଏହି ରାଶି ହେବେ ଭାଗ୍ୟଶାଳୀ, ବଢିବ ଧନ, ନୂଆ ଚାକିରି ସହ ରହିଛି ବିବାହ ଯୋଗ..
ଏହି କାର୍ଯ୍ୟକ୍ରମରେ ଐଶ୍ୱର୍ଯ୍ୟାଙ୍କ ନାମ ପରଦାରେ ଦେଖାଯାଉଥିବା ବେଳେ କେବଳ ଐଶ୍ୱର୍ଯ୍ୟା ରାୟ ଲେଖାଯାଇଥିଲା ମାତ୍ର ବଚ୍ଚନ ସାଙ୍ଗିଆ ଦେଖିବାକୁ ମିଳିନଥିଲା । ଏହି ଖବର ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବା ସହ ଲୋକେ ଭିନ୍ନ ଭିନ୍ନ ମତ ଦେଇଛନ୍ତି । ଜଣେ ଲେଖିଛନ୍ତି, ଶେଷରେ ‘ବି’ଶବ୍ଦ ତାଙ୍କ ନାମରୁ ଅଦୃଶ୍ୟ ହୋଇଯାଇଛି । ସେହିପରି ଅନ୍ୟ ଜଣେ ଐଶ୍ୱର୍ଯ୍ୟାଙ୍କ ସୌନ୍ଦର୍ଯ୍ୟକୁ ପ୍ରଶଂସା କରିଛନ୍ତି।
