ଗୋପାଳପୁର : ଗୋପାଳପୁର ଥାନା ଅନ୍ତର୍ଗତ ଆରୁଆପଲ୍ଲୀ ସ୍ଥିତ ଟିପିରାଣୀ ମନ୍ଦିର ନିକଟରେ ଚାଲିଥିବା ଜୁଆ ଆଡ୍ଡାରେ ପୁଲିସ ଚଢ଼ାଉ କରି ୫ଜଣଙ୍କୁ କାବୁ କରିବା ସହ ସେମାନଙ୍କ ନିକଟରୁ ୩୬୫୦ ନଗଦ ଟଙ୍କା, ୫ଟି ମୋବାଇଲ ଓ କିଛି ତାସ କାଟା ଜବତ କରିଥିଲା । ସୂଚନାଯୋଗ୍ୟ ଯେ ଗୋପାଳପୁର ଥାନା ଏଏସଆଇ ବି ତିରୁପତି ରାଓ ଓ ଅନ୍ୟ ପୁଲିସ କର୍ମଚାରୀମାନେ ପେଟ୍ରୋଲିଂ କରୁଥିବାବେଳେ ଆରୁଆପଲ୍ଲୀ ଅଞ୍ଚଳରେ ଜୁଆଖେଳ ଚାଲିଥିବା ନେଇ ଉକ୍ତ ଟିମକୁ ଖବର ମିଳିଥିଲା । ଖବର ପାଇ ପୁଲିସ ଉକ୍ତ ଜୁଆ ଆଡ୍ଡାରେ ଚଢ଼ାଉ କରି ଉପରୋକ୍ତ ୫ଜଣଙ୍କୁ କାବୁ କରି ଥାନାକୁ ନେଇଥିଲା । ଘଟଣାକୁ ନେଇ ଏଏସଆଇ ବି ତିରୁପତି ରାଓ ଥାନାରେ ଅଭିଯୋଗ କରିବା ପରେ ପୁଲିସ ଏକ ମାମଲା ରୁଜୁ କରିଥିଲା । ପରେ ପୁଲିସ ଥାନାରେ ଜୁଆଡ଼ିଙ୍କୁ ତାଗିତ କରି ନୋଟିସ ଦେଇଛାଡ଼ିଥିଲା ।
Comments are closed.