ନୀଳଗିରି: ବାଲେଶ୍ୱର ଜିଲା ନୀଳଗିରି ବ୍ଲକ ଅଧୀନ କଳାକାଦ ଉଚ୍ଚ ପ୍ରାଥମିକ ସ୍କୁଲ ପରିସରରୁ କେହି ଦୁର୍ବୃତ୍ତ ୬ଟି ବଡ଼ ନିମ ଗଛ କାଟି ଦେଇଥିବାବେଳେ ଆଜି ଆଉ ୩ଟି ଗଛ କାଟୁଥିବା ସମୟରେ ଗ୍ରାମବାସୀ ବିରୋଧ କରିଥିଲେ । କଟା ଯାଇଥିବା ୬ଟି ଗଛ ମଧ୍ୟରୁ ୩ଟି ଗଛର ଗଣ୍ଡିକୁ ଗତକାଲି ରାତିରେ ଗାଏବ କରାଯାଇଥିବା ନେଇ ଆଜି ଗ୍ରାମବାସୀଙ୍କ ପକ୍ଷରୁ ମୁଖ୍ୟମନ୍ତ୍ରୀ, ବାଲେଶ୍ୱର ଡିଏଫଓ, ଶିକ୍ଷାବିଭାଗକୁ ଟ୍ୱିଟ୍ କରାଯାଇଛି । ପ୍ରାୟ ୪୦/୫୦ବର୍ଷ ତଳରୁ ଲଗା ଯାଇଥିବା ଗଛକୁ ସ୍ଥାନୀୟ କେତେକ ଲୋକଙ୍କ ସହଯୋଗରେ କଟା ଯାଇଥିବା ନେଇ ଗାଁଲୋକେ ଅଭିଯୋଗ କରିଛନ୍ତି । ଖବରପାଇ ଆଜି କୁଲଡିହା ରେଞ୍ଜ ଅଧିକାରୀ ପ୍ରବୀର ମୁର୍ମୁ ସଦଳବଳେ ସେଠାରେ ପହଞ୍ଚି କାଠ ଗଣ୍ଡିକୁ ଜବତ କରିଥିଲେ । ବିନା ଅନୁମତିରେ ସ୍କୁଲର ପ୍ରଧାନଶିକ୍ଷୟିତ୍ରୀ ଓ ପରିଚାଳନା କମିଟି ପକ୍ଷରୁ ଏଭଳି କରାଯାଇଥିବା ନେଇ ବନବିଭାଗକୁ ଅଭିଯୋଗ କରାଯାଇଛି । ଏନେଇ ବନବିଭାଗ ପକ୍ଷରୁ କଟା ଯାଇଥିବା ଗଛକୁ ଜବତ କରାଯିବା ସହ ତଦନ୍ତ ଜାରି ରହିଛି ।
Popular Categories
Previous article
Next article