କଲମ୍ବୋ: ଗୁରୁତର ଆର୍ଥିକ ସଙ୍କଟର ସମ୍ମୁଖୀନ ହେଉଥିବା ଶ୍ରୀଲଙ୍କା ସରକାର ସୋମବାରଠାରୁ ଦେଶର ସମସ୍ତ ସରକାରୀ ଅଫିସ ଓ ସ୍କୁଲ ବନ୍ଦ ରଖିଛନ୍ତି। ଦେଶରେ ପେଟ୍ରୋଲିୟମ ଇନ୍ଧନର ଘୋର ସଙ୍କଟ କାରଣରୁ ସରକାର ବାଧ୍ୟ ହୋଇ ଏଭଳି ନିଷ୍ପତ୍ତି ନେଇଥିବା କୁହାଯାଇଛି। ଦେଶରେ ଦୈନିକ ୧୩ ଘଣ୍ଟାରୁ ଅଧିକ ସମୟ ପର୍ଯ୍ୟନ୍ତ ବିଦ୍ୟୁତ କାଟ୍ ଚାଲିଥିବାବେଳେ ଦେଶର ଶିକ୍ଷା ମନ୍ତ୍ରଣାଳୟ ପକ୍ଷରୁ ସୋମବାରଠାରୁ ସମସ୍ତ ସରକାରୀ ଏବଂ ସରକାରୀ ଅନୁମତିପ୍ରାପ୍ତ ବେସରକାରୀ ସ୍କୁଲ ଛାତ୍ରଛାତ୍ରୀଙ୍କୁ ଅନ୍ଲାଇନରେ ପାଠ ପଢ଼ାଇବାକୁ ଶିକ୍ଷକମାନଙ୍କୁ ପରାମର୍ଶ ଦିଆଯାଇଛି। ପେଟ୍ରୋଲ ଓ ଡିଜେଲ ସଞ୍ଚୟ ପାଇଁ ସରକାର ସମସ୍ତ ସରକାରୀ କର୍ମଚାରୀଙ୍କୁ ଅଫିସ ନଆସିବାକୁ କହିବା ସହିତ ଅଫିସଗୁଡିକ ସୋମବାରଠାରୁ ବନ୍ଦ ରଖିବାକୁ କହିଛନ୍ତି। କେବଳ ସ୍ୱାସ୍ଥ୍ୟ ବିଭାଗ କର୍ମଚାରୀ ସେମାନଙ୍କ କାର୍ଯ୍ୟରେ ଉପସ୍ଥିତ ରହିବାକୁ କୁହାଯାଇଛି।
Popular Categories
Previous article
Next article