ପୁରୀ: ଭୁବନେଶ୍ୱର ସାଂସଦ ଅପରାଜିତା ଷଡ଼ଙ୍ଗୀ ଆଜି ପୁରୀ ଗସ୍ତ କରିଛନ୍ତି । ମହାପ୍ରଭୁ ଜଗନ୍ନାଥଙ୍କ ଦର୍ଶନ ପାଇଁ ସାଂସଦ ପୁରୀ ଗସ୍ତ କରିଥିବା ବେଳେ ଚନ୍ଦନପୁର କାଠପୋଲ ନିକଟରେ ଏନେଇ ଗଣମାଧ୍ୟମକୁ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଯଦି ରାଜ୍ୟ ସରକାର ଚାହୁଁଛନ୍ତି ମୁଁ ଚାଲିକି ଯିବି । ତେବେ ମୁଁ ଚାଲିକି ଯାଇ ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିବି । ତାହା ଛଡ଼ା ଏହି ଗସ୍ତ କେବଳ ମୋର ମହାପ୍ରଭୁଙ୍କ ଦର୍ଶନ ବୋଲି ସେ କହିଛନ୍ତି । ଆହୁରି ମଧ୍ୟ ସେ ତାଙ୍କ ପ୍ରତିକ୍ରିୟାରେ କହିଛନ୍ତି ସରକାରଙ୍କ ଏତେ ଡର କାହିଁକି ? ସେ ଯଦି କିଛି ଭୁଲ କରିନାହାନ୍ତି ଏତେ ସଂଖ୍ୟକ ସରକାରୀ କର୍ମଚାରୀଙ୍କୁ ଏତେ ଖରାରେ କାହିଁକି କଷ୍ଟ ଦେଉଛନ୍ତି ।
ମୁଁ କେବଳ ଶ୍ରୀମନ୍ଦିର ସୁରକ୍ଷା କଥା କହିଛି । ଯାହା କହିବାର ଥିଲା ମୁଁ ଲୋକସଭାରେ କହିସାରିଛି । କୌଣସି ରାଜନୈତିକ ନୁହେଁ କି ଦଳୀୟ କଥା କହିନାହିଁ । ଏହାଛଡ଼ା ପରିକ୍ରମା ପ୍ରକଳ୍ପ ପ୍ରସଙ୍ଗରେ ପୁରୀ ରାଜାଙ୍କ ବିବୃତି କଥା ମଧ୍ୟ ଉଠାଇଛନ୍ତି ଅପରାଜିତା । ଜଗନ୍ନାଥ ପ୍ରେମୀ ହିସାବରେ କେବଳ ମହାପ୍ରଭୁଙ୍କୁ ଦର୍ଶନ କରିବାକୁ ଆସିଛି ବୋଲି ଅପରାଜିତା ତାଙ୍କ ପ୍ରତିକ୍ରିୟାରେ କହିବା ସହ ଚନ୍ଦନପୁର କାଠପୋଲ ନିକଟରୁ ପାଦରେ ଚାଲିଚାଲି ମହାପ୍ରଭୁଙ୍କ ଦର୍ଶନ ପାଇଁ ଯାଉଥିବା ଦେଖିବାକଳୁ ମିଳିଛି ।
Comments are closed.