ଗୋପାଳପୁର: ଗୋପାଳପୁର ଥାନା ଅନ୍ତର୍ଗତ ଗଞ୍ଜୁ ଗ୍ରାମରେ ଶୁକ୍ରବାର ରାତିରେ ଜ୍ବାଇଁ ଓ ଶ୍ବଶୁର ଘର ସଦସ୍ୟଙ୍କ ମଧ୍ୟରେ ଗଣ୍ଡଗୋଳ ଘଟି ଉଭୟ ପକ୍ଷର ୭ ଜଣ ଆହାତ ହୋଇଛନ୍ତି। ଉଭୟ ପକ୍ଷରୁ ଦୁଇଥର ମାମଲା ଥାନାରେ ରୁଜ୍ଜୁ ହୋଇଥିବା ଜଣାପଡିଛି। ଆହାତଙ୍କ ମଧ୍ୟରେ ଜ୍ବାଇଁ ଜଗା ଦାସ ସମେତ ତାଙ୍କ ଦୁଇ ଭାଇ ବିଜୟ , ବଳିଆ ଓ ବାପା ନରହରି ରହିଥିବା ବେଳେ ଅପର ପକ୍ଷରେ ତାଙ୍କର ଶାଳକ କାଳିଆ ଦାସ ,ଶ୍ବଶୁର ବାବୁ ଦାସ ଓ ସେମାନଙ୍କ ଦୁଇ ସାଙ୍ଗ ଗୌତମ ଓ ସିଦ୍ଧାନ୍ତ ବୋଲି ପୁଲିସ ସୂଚନା ଦେଇଛି।
କୌଣସି ଏକ କଥାକୁ ନେଇ ଉଭୟ ପକ୍ଷଙ୍କ ମଧ୍ୟରେ ବଚସା ହେବା ସହ ଉଭୟଙ୍କ ମଧ୍ୟରେ ଗଣ୍ଡଗୋଳ ଘଟିଥିଲା। ଫଳରେ ତିନି ଭାଇ ବିଜୟ, ଜଗା ଓ ବଳିଆ ମାରଣାସ୍ତ୍ର ଧରି ଶାଳକ କାଳିଆ ଦାସଙ୍କ ଘରେ ପହଞ୍ଚି ଗାଳିଗୁଲଜ କରିବା ସହ କାଳିଆକୁ ଖଣ୍ଡାରେ ଆକ୍ରମଣ କରିବାକୁ ଉଦ୍ୟମ କରିଥିଲେ। ଫଳରେ ଶ୍ବଶୁର ବାବୁ ଦାସର ଏହାର ପ୍ରତିବାଦ କରିବାରୁ ତିନି ଭାଇ ମିଶି ବାବୁଙ୍କ ମୁଣ୍ଡ କୁ ଆକ୍ରମଣ କରିଥିଲେ। ଫଳରେ ସେ ରକ୍ତାକ୍ତ ହୋଇ ତଳେ ପଡିଯାଇଥିଲେ। ଏହା ପରେ ଉତ୍ତ୍ୟକ୍ତ ତିନି ଭାଇ କାଳିଆ ସମେତ ତାଙ୍କର ଦୁଇ ସାଙ୍ଗ ଗୌତମ ଓ ସିଦ୍ଧାନ୍ତଙ୍କୁ ମଧ୍ୟ ଆକ୍ରମଣ କରି ଆହାତ କରିଥିଲେ। ଏହି ଘଟଣା ନେଇ ଶାଶୁ ଶିକୁଳା ଦାସ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗକୁ ଭିତ୍ତି କରି ପୁଲିସ ପକ୍ଷରୁ ୬୪/୨୨ ରେ ଏକ ମାମଲା ରୁଜୁ କରି ତଦନ୍ତ ଚଳାଇଛି।
ଅନ୍ୟ ପଟେ ଏହି ଘଟଣା ନେଇ ଅପର ପକ୍ଷ ତଥା ବିଜୟ ଦାସଙ୍କ ପକ୍ଷରୁ ଶାଳକ କାଳିଆଙ୍କ ଭାଇ ପ୍ରଦୀପ ତାଙ୍କ ମଝିଆ ଭାଇ ଜଗାକୁ ଏକ ତେଣ୍ଟା ସାହାଯ୍ୟରେ ଆକ୍ରମଣ କରିବା ଫଳରେ ସେ ଗୁରୁତର ଆହାତ ହୋଇଥିଲେ। ଏହି ଘଟଣା ପରେ ତିନି ଭାଇ ମିଶି ବାପା ନରହରି ଦାସ ସମେତ ସାନ ଭାଇ ବଳିଆ ଦାସକୁ ଆକ୍ରମଣ କରି ଆହାତ କରିଥିବା ନେଇ ଥାନାରେ ଲିଖିତ ଅଭିଯୋଗ କରିଥିଲେ। ଅଭିଯୋଗ କୁ ଭିତ୍ତି କରି ପୁଲିସ ପକ୍ଷରୁ ଅନ୍ୟ ଏକ ମାମଲା ୬୫/୨୨ ରେ ଋଜୁ କରି ତଦନ୍ତ ଚଳାଇଥିବା ଆଇଆଇସି ଶ୍ରୀକାନ୍ତ ଖମାରୀ ସୂଚନା ଦେଇଛନ୍ତି।
Comments are closed.