ଠାକୁରମୁଣ୍ଡା : ମୟୂରଭଞ୍ଜ ଜିଲା ମହୁଲଡିହା ଥାନା କେଶଡିହା ପଞ୍ଚାୟତ ଅନ୍ତର୍ଗତ କଦଳିବାଡି ଗ୍ରାମର ଦୁଇ ଶିଶୁ ଅପରାହ୍ଣରେ ପୋଖରୀରେ ବୁଡିଯାଇ ମୃତ୍ୟୁବରଣ କରିଥିବା ଜଣାପଡିଛି। ମୃତ୍ୟୁବରଣ କରିଥିବା ଦୁଇ ଶିଶୁଙ୍କର ବୟସ ୩ ବର୍ଷ।
ଘଟଣାରୁ ପ୍ରକାଶଯେ, ଦୁଇ ଶିଶୁ ଖାଇସାରିବା ପରେ ଘରପାଖରେ ଖେଳୁଥିଲେ। ତେବେ ୪ଟା ବେଳେ ସେମାନଙ୍କୁ ଦେଖିବାକୁ ନ ପାଇବାରୁ ପରିବାର ଲୋକେ ଖୋଜା ଖୋଜି ଆରମ୍ଭ କରିଥିଲେ। ତେବେ ସଂନ୍ଧ୍ୟା ବେଳେ ପୋଖରୀରେ ପଡିଯାଇଥିବା ସୁମି ହେମ୍ବ୍ରମ (୩) ର ମା ଦେଖି ଖବର ଦେଲେ। ଏହାପରେ ଲୋକମାନେ ପାଣି ଭିତରେ ପଶି ଖୋଜିବାରୁ ସୁମି ଓ ରାଜେଶ ହେମ୍ବ୍ରମ (୩) କୁ ଉଦ୍ଧାର କରିଥିଲେ। ଦୁଇ ଶିଶୁଙ୍କୁ ୧୦୮ ଆମ୍ବୁଲାନ୍ସ ଯୋଗେ ଆଣି ସନ୍ଧ୍ୟା ୭ ଟା ବେଳେ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପହଞ୍ଚିଥିଲେ। ତେବେ ଡାକ୍ତର ଉଭୟଙ୍କୁ ମୃତ ଘୋଷଣା କରିଥିଲେ। ମହୁଲଡିହା ପୁଲିସ ଏକ ଅପମୃତ୍ୟୁ ମାମଲା ରୁଜ୍ଜୁ କରି ମୃତଦେହ ବ୍ୟବଛେଦ ନିମନ୍ତେ ପଠାଇ ତଦନ୍ତ ଜାରି ରଖିଛି।
Comments are closed.