ବାଙ୍କୀ: ଦୁଲଣାପୁର ପଞ୍ଚାୟତର ସର୍ବାଙ୍ଗୀନ ଉନ୍ନତି ପାଇଁ ବିଭିନ୍ନ ଦଳ ପକ୍ଷରୁ ପ୍ରାର୍ଥୀ ମାନେ ଘର ଘର ବୁଲି ଭୋଟ ଭିକ୍ଷା କରୁଛନ୍ତି। ଏହି ପରିପ୍ରେକ୍ଷୀରେ ସୋମବାର ଅପରାହ୍ନରେ ଦୁଲଣାପୁର ଠାରେ ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ପଞ୍ଚାୟତର ମହିଳା ଭୋଟରମାନଙ୍କୁ ନିଜ ଦଳୀୟ ସମର୍ଥିତ ପ୍ରାର୍ଥୀଙ୍କୁ ପେବୃୟାରୀ ୨୨ତାରିଖରେ ମୋହର ମାରି ଜୟଯୁକ୍ତ କରିବା ପାଇଁ ଆହ୍ୱାନ ଦେଇଛନ୍ତି। ଆୟୋଜିତ ମହିଳା ବୈଠକରେ ପୂର୍ବତନ ବିଧାୟକ ପଞ୍ଚାୟତର ବିକାଶ ଦିଗରେ ମହିଳା ମାନେହିଁ ଆଗରେ ବିକାଶର ଧ୍ୱଜା ଧରୁଛନ୍ତି ବୋଲି ପ୍ରକାଶ କରି ସୁଚିନ୍ତିତ ପ୍ରାର୍ଥୀକୁ ନିର୍ଣ୍ଣାୟକ ଭୋଟ ଦେବା ପାଇଁ ଅନୁରୋଧ କରିଛନ୍ତି। ବୈଠକରେ ଦୁଲଣାପୁର ପଞ୍ଚାୟତର ଦଳ ସମର୍ଥିତ ସମିତିସଭ୍ୟ, ସରପଞ୍ଚ ପ୍ରାର୍ଥୀ ଏବଂ ୩୮ନଂ ଜୋନର ଜିଲ୍ଲାପରିଷଦ ପ୍ରାର୍ଥୀ ଆଶିଷ କୁମାର ସାହୁ ପ୍ରମୁଖ ଉପସ୍ଥିତ ରହି ନିଜ ସପକ୍ଷରେ ଭୋଟ ଭିକ୍ଷା କରିଛନ୍ତି। ଦୁଲଣାପୁର ଗ୍ରାମର ବହୁ ମହିଳା ସ୍ୱୟଂ ସହାୟକ ଗୋଷ୍ଠୀର ସଦସ୍ୟମାନେ ଉପସ୍ଥିତ ଥିଲେ।
Popular Categories
Previous article
Next article