ନୂଆଦିଲ୍ଲୀ : ନଭେମ୍ବର ମାସ ଶେଷ ହେବାକୁ ଅଳ୍ପ ଦିନ ବାକି ରହିଛି । ଉତ୍ତର ଭାରତରେ ଧୀରେ ଧୀରେ ଶୀତ ବଢିବାରେ ଲାଗିଛି । ପର୍ବତ ଉପରେ ତୁଷାରପାତ ଆରମ୍ଭ ହୋଇଛି। ଅନେକ ରାଜ୍ୟରେ ଆଗକୁ ପ୍ରବଳରୁ ଅତି ପ୍ରବଳ କୁହୁଡିର ସମ୍ଭାବନା ରହିଛି । ମାତ୍ର ଡିସେମ୍ବର ଚଳିତ ବର୍ଷର ସବୁଠାରୁ ଶୀତ ମାସ ବୋଲି କୁହାଯାଉଛି । ପାଣିପାଗ ବିଭାଗ ଅନୁଯାୟୀ ଡିସେମ୍ବର ମାସରେ ପ୍ରବଳ ଥଣ୍ଡା ଅନୁଭୂତ ହେବ। ଉତ୍ତର ଭାରତରେ ରାତି ତାପମାତ୍ରା ହ୍ରାସ ପାଇବା ସହ କୁହୁଡି ମଧ୍ୟ ସହ୍ୟ କରିବାକୁ ପଡିବ ।
ଏହାର କାରଣ ହେଉଛି ‘ଲା ନିନା ପ୍ରଭାବ’ ।
ଡିସେମ୍ବରରେ ୪ ଗ୍ରହଙ୍କ ଚଳନ, ଏହି ରାଶି ହେବେ ଭାଗ୍ୟଶାଳୀ, ବଢିବ ଧନ, ନୂଆ ଚାକିରି ସହ ରହିଛି ବିବାହ ଯୋଗ..
ଚଳିତ ବର୍ଷ ପ୍ରଶାନ୍ତ ମହାସାଗରରେ ‘ଲା ନିନା ପ୍ରଭାବ’ ଦେଖିବାକୁ ମିଳିଥିଲା। ସାଧାରଣତଃ ଯେତେବେଳେ ପ୍ରଶାନ୍ତ ମହାସାଗର ସାଧାରଣ ଅପେକ୍ଷା ଅଧିକ ଥଣ୍ଡା ହୁଏ, ସେତେବେଳେ ଶୀତଳ ପବନ ଏସୀୟ ଦେଶ ଆଡକୁ ଗତି କରେ। ଏହାର ପ୍ରଭାବ କେବଳ ଭାରତରେ ନୁହେଁ ପାକିସ୍ତାନ, ଆଫଗାନିସ୍ତାନ, ଶ୍ରୀଲଙ୍କା ଏବଂ ମିଆଁମାରରେ ମଧ୍ୟ ରହିଛି। ଏହି ଦେଶଗୁଡିକରେ ପାଗ ଅତ୍ୟଧିକ ଥଣ୍ଡା ହୋଇଯାଏ ଏବଂ ତାପମାତ୍ରା ଦ୍ରୁତ ଗତିରେ କମିବା ଆରମ୍ଭ କରେ।
ଆଲମିରାରେ ଏହି ଜିନିଷ ରଖିଲେ ହୋଇଯିବେ କାଙ୍ଗାଳ, ଲାଗି ରହିବ ଧନ ଅଭାବ..
ଏହା ପ୍ରଥମ ଥର ନୁହେଁ ଯେ ‘ଲା ନିନା ପ୍ରଭାବ’ ଭାରତରେ ଦେଖାଯାଉଛି। ଏହାପୂର୍ବରୁ, ୨୦୦୧ ରେ ଶୀତ ସମୟରେ ‘ଲା ନିନା ପ୍ରଭାବ’ର ପ୍ରଭାବ ଦେଖାଯାଇଥିଲା, ଯାହା ୭ ମାସ ପର୍ଯ୍ୟନ୍ତ ଚାଲିଥିଲା। ବର୍ତ୍ତମାନ ୨୨ ବର୍ଷ ପରେ, ‘ଲା ନିନା ଇଫେକ୍ଟ’ ଶୀତଦିନେ ପୁଣି ଥରେ ପ୍ରତ୍ୟାବର୍ତ୍ତନ କରିଛି।
ରିଲିଜ୍ ପୂର୍ବରୁ ରେକର୍ଡ ଭାଙ୍ଗୁଛି ‘ପୁଷ୍ପା ୨ ଦି ରୁଲ୍’; ଏସବୁ ଫିଲ୍ମକୁ ପଛରେ ପକାଇଲା..
ସଦ୍ୟତମ ରିପୋର୍ଟ ଅନୁଯାୟୀ ପ୍ରଶାନ୍ତ ମହାସାଗରରେ ‘ଲା ନିନା ପ୍ରଭାବ’ର ୬୦ ପ୍ରତିଶତ ପ୍ରଭାବ ଭାରତରେ ଦେଖାଯିବ। ବିଶେଷ କରି ଡିସେମ୍ବର, ଜାନୁଆରୀ ଏବଂ ଫେବୃଆରୀ ମାସରେ ‘ଲା ନିନା ପ୍ରଭାବ’ ଶୀର୍ଷରେ ରହିବ। ଏହି ତିନି ମାସ ଉତ୍ତର ଭାରତରରେ ହାଡଭଙ୍ଗା ଶୀତ ହେବ ବୋଲି ଅନୁମାନ କରାଯାଉଛି ।
Comments are closed.