ବାଙ୍କୀ: ତ୍ରିସ୍ତରୀୟ ପଞ୍ଚାୟତ ନିର୍ବାଚନ ବାଙ୍କୀ ବ୍ଲକରେ ଫେବୃୟାରୀ ୨୪ତାରିଖରେ ଅନୁଷ୍ଠିତ ହେବ। ଏଥିପାଇଁ ଗ୍ରାମାଞ୍ଚଳରେ ବିଭିନ୍ନ ଦଳର ଜିଲ୍ଲାପରିଷଦ ପ୍ରାର୍ଥୀମାନେ ନିଜର ପ୍ରଚାର କାର୍ଯ୍ୟ ଜାରି ରଖି ନିଜ ସପକ୍ଷରେ ଭୋଟରଙ୍କୁ ଭୋଟ ଭିକ୍ଷା କରୁଛନ୍ତି। ଗତ ୨୦୧୭ନିର୍ବାଚନରେ ଏହି ୩୫ନଂ ଜୋନରୁ ବିଜେଡିର ଜିଲ୍ଲାପରିଷଦ ପ୍ରାର୍ଥୀ ଭାବରେ ଅନିତା ସ୍ୱାଇଁ ନିକଟତମ ପ୍ରତିଦ୍ୱନ୍ଦୀ କଂଗ୍ରେସର ଅବନ୍ତି ପରିଡାଙ୍କୁ ହରାଇ ବିଜୟଲାଭ କରିଥିଲେ। ଚଳିତ ବର୍ଷ ଏହି ଜୋନରେ ବିଜେଡି ପକ୍ଷରୁ ସଞ୍ଜୟ କୁମାର ପାତ୍ର, କଂଗ୍ରେସରୁ ରମେଶ ସେନାପତି ଏବଂ ବିଜେପି ପକ୍ଷରୁ ରବୀନ୍ଦ୍ର କୁମାର ସାହୁ ପ୍ରତିଦ୍ୱନ୍ଦିତା ଲଢୁଛନ୍ତି।
ସୂଚନା ଅନୁଯାୟୀ, ପଞ୍ଚାୟତର ୧୭ଟି ୱାର୍ଡରେ ୨୧୩୦ପୁରୁଷ ଓ ୧୮୮୯ମହିଳା, କିଆପଲ୍ଲା ପଞ୍ଚାୟତର ୧୬ଟି ୱାର୍ଡରେ ୨୪୧୨ପୁରୁଷ ଓ ୨୧୧୫ମହିଳା, ବରପୁଟ ପଞ୍ଚାୟତର ୨୧ଟି ୱାର୍ଡରେ ୩୫୨୩ ପୁରୁଷ ଓ ୩୧୨୩ମହିଳା, ବ୍ରହ୍ମପୁରା ପଞ୍ଚାୟତର ୧୬ଟି ୱାର୍ଡରେ ୨୯୪୮ପୁରୁଷ ଓ ୨୭୨୩ମହିଳା, ଗୋଳାଗଣ୍ଡ ପଞ୍ଚାୟତର ୧୫ଟି ୱାର୍ଡରେ ୨୧୨୨ ପୁରୁଷ ଓ ୧୭୬୧ମହିଳା ଏବଂ ପୁଇଁଚା ପଞ୍ଚାୟତର ୨୦ଟି ୱାର୍ଡରେ ୩୫୫୭ପୁରୁଷ ଓ ୩୨୦୪ମହିଳା ଭୋଟର କରି ୧୦୫ଟି ୱାର୍ଡରେ ସର୍ବମୋଟ ୩୧ହଜାର ୫୦୮ଜଣ ଭୋଟର ନିଜର ମତଦାନ ସାବ୍ୟସ୍ତ କରି ପ୍ରାର୍ଥୀ ଚୟନ କରିବେ। ୩୫ନଂ ଜୋନର ସର୍ବାଙ୍ଗୀନ ଉନ୍ନତି ପାଇଁ ପ୍ରାର୍ଥୀମାନେ କାର୍ଯ୍ୟ କରିବେ ବୋଲି ଘର ଘର ବୁଲି ଭୋଟ ଭିକ୍ଷା କରୁଛନ୍ତି। ଗତ ନିର୍ବାଚନ ପରି ଚଳିତ ନିର୍ବାଚନରେ ୩୫ନଂ ଜୋନ ବିଜେଡି ହାତକୁ ଆସିବ ବୋଲି ଅଞ୍ଚଳର ପୁରୁଖା ରାଜନିତୀଜ୍ଞ ମାନେ ଚର୍ଚ୍ଚା କରୁଛନ୍ତି। ଦଳକୁ ଜିତାଇବା ପାଇଁ ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଏବଂ ବିଧାୟକ ଦେବୀରଞ୍ଜନ ତ୍ରିପାଠୀ ଜୋନରେ ତୀକ୍ଷ୍ଣ ଦୃଷ୍ଟି ରଖିବା ସହିତ ପୁରୁଖା କର୍ମୀମାନଙ୍କ ସହ ଦୃଷ୍ଟି ରଖିବା ପାଇଁ ଆଲୋଚନା କରୁଥିବା ଜଣାପଡିଛି।
