ସଫଳତା ପ୍ରାପ୍ତି ପାଇଁ ବାର ଅନୁସାରେ କରନ୍ତୁ ଏହି ଉପାୟ

ସପ୍ତାହର ସାତ ଦିନ ନିଜର ଅଲଗା ଅଲଗା ମହତ୍ତ୍ବ ରଖିଥାଏ। ଏମିତିରେ ଦେଖିବାକୁ ଗଲେ ପ୍ରତ୍ୟେକ ଦିନ ଶୁଭ ଅଟେ। କିନ୍ତୁ କିଛି ଜରୁରୀ କାର୍ଯ୍ୟ ପାଇଁ ଦିନର ଶୁଭତ୍ବ ଦେଖି କରାଯାଇଥାଏ। ଶାସ୍ତ୍ର ଓ ଜ୍ୟୋତିଷଙ୍କ ମତରେ ଯେକୌଣସି ଶୁଭ କାର୍ଯ୍ୟ ନିମନ୍ତେ ଘରୁ ବାହାରି ଗଲା ବେଳେ ବାର ଅନୁସାରେ ଉପାୟ କରିବା ଦ୍ବାରା ସଫଳତା ମିଳିଥାଏ।
ବାର ଅନୁସାରେ କରନ୍ତୁ ଉପାୟ:
ସୋମବାର: ସୋମବାର ଦିନ କିଛି କାର୍ଯ୍ୟ ପାଇଁ ବାହାରକୁ ଗଲେ ଦର୍ପଣରେ ନିଜର ମୁହଁ ଦେଖି ଯାଆନ୍ତୁ। ଏପରି କରିବା ଦ୍ବାରା ସମସ୍ତ କାର୍ଯ୍ୟ ସଫଳ ହୋଇଥାଏ।ମଙ୍ଗଳବାର: ମଙ୍ଗଳବାର ଦିନ ହନୁମାନଙ୍କ ବାର ବୋଲି କୁହାଯାଇଥାଏ। ଘରୁ ଯେକୌଣସି କାର୍ଯ୍ୟ ନିମନ୍ତେ ବାହାରି ଗଲା ବେଳେ ମିଠା ଦ୍ରବ୍ୟ ଖାଇ କରି ଯାଆନ୍ତୁ। ଗୁଡ କିମ୍ବା ବେସନ ଲଡୁ ଖାଇଲେ ମଧ୍ୟ ଅଧିକ ଭଲ ହେବ।
ବୁଧବାର: ବୁଧବାର ଦିନ ଘରୁ ବାହାରି ଯିବା ପୂର୍ବରୁ ଧନିଆ ପତ୍ର ଖାଇ କରି ଯାଆନ୍ତୁ। ଏପରି କରିବା ଦ୍ବାରା ସମସ୍ତ କାମରେ ସଫଳତା ପାଇବେ।
ଗୁରୁବାର: ଏହିଦିନ ଯେକୌଣସି କାର୍ଯ୍ୟରେ ସଫଳତା ପାଇବା ପାଇଁ ସୋରିଷର କିଛି ଦାନ ଖାଇ ଯାଆନ୍ତୁ।ଶୁକ୍ରବାର: ମା’ ଲକ୍ଷ୍ମୀଙ୍କୁ ଧଳା ରଙ୍ଗ ଅତ୍ୟନ୍ତ ପ୍ରିୟ ହୋଇଥାଏ। ତେଣୁ ଶୁକ୍ରବାର ଦିନ ମାଆଙ୍କ ପାଖରେ କ୍ଷୀରର କିଛି ଦ୍ରବ୍ୟ ଭୋଗ ଲଗାନ୍ତୁ। ଭୋଗ ଲଗାଇ ସାରିବା ପରେ ନିଜେ ତାକୁ ଖାଇ ବାହାରକୁ ଯାଆନ୍ତୁ। ଦହି ମଧ୍ୟ ଖାଇ ପାରିବେ।
ଶନିବାର: ଶନିବାରକୁ ଶନିଦେବଙ୍କର ଦିନ କୁହାଯାଇଛି। ତେଣୁ ଶନିଙ୍କ କୋପରୁ ବଞ୍ଚିବା ପାଇଁ ଏହିଦିନ ଅନେକ ଉପାୟ କରିଥାନ୍ତି। ଶନିବାର ଦିନ କିଛି କାର୍ଯ୍ୟରେ ବାହାରକୁ ଯାଉଥିଲେ ଅଦା କିମ୍ବା ଘିଅ ଖାଇ କରି ଯାଆନ୍ତୁ।ରବିବାର: ରବିବାରକୁ ସାଧାରଣଃ ଅନେକ କାର୍ଯ୍ୟ ରହିଥାଏ। ତେଣୁ ଏହିଦିନକୁ ଶୁଭ କରିବା ପାଇଁ ନିଜ ପାଖରେ ଗୋଟିଏ ପାନ ପତ୍ର ରଖନ୍ତୁ। ଶୁଭ ଫଳ ମିଳିବ।