କଣ୍ଟାବାଞ୍ଜି : ବିବାହରେ ଯୋଗ ଦେବାକୁ ନିଜ ସମ୍ପର୍କୀୟ ନାତି ଘରକୁ ଯାଉଥିଲେ । ହେଲେ ରାସ୍ତାରେ ପିକଅପ ଗାଡି ଧକ୍କାରେ ଚାଲିଗଲା ଜୀବନ। ଏଭଳି ଏକ ଦୁଃଖଦ ଘଟଣା ଘଟିଛି କଣ୍ଟାବାଞ୍ଜି ଥାନା ପଖନମୁଣ୍ଡା ଗାଁ ଛକଠାରେ । ଏକ ପିକଅପ ଗାଡି ଧକ୍କାରେ ଧାତୁକଜୁରୀ ଗାଁର ବୃଦ୍ଧ ଦୁର୍ଜନ ବାଗଙ୍କ ମୃତ୍ୟୁ ଘଟିଛି ।
ଦୁର୍ଜନ ଏକ ସାଇକେଲରେ ନିଜ ଘରୁ ଡ଼ଙ୍ଗାମରା ଗାଁର ସମ୍ପର୍କୀୟ ନାତିର ବିବାହ ଭୋଜିରେ ଯୋଗ ଦେବାକୁ ଯାଉଥିଲେ । ହେଲେ ରାସ୍ତାରେ ବିପରୀତ ଦିଗରୁ ଏକ ପିକଅପ ଗାଡ଼ି ଧକ୍କା ଦେଇଥିଲା । ଘଟଣା ସ୍ଥଳରେ ଅଧିକ ରକ୍ତସ୍ରାବ ହେବା ଯୋଗୁ ବୃଦ୍ଧଙ୍କ ମୃତ୍ୟ ଘଟିଛି । ମୃତକଙ୍କ ପରିବାର ଲୋକ ଘଟଣା ସ୍ଥଳରେ ପହଞ୍ଚି ଦୁର୍ଘଟଣା ଘଟାଇଥିବା ଗାଡି ଚାଳକକୁ ଗିରଫ ଦାବି କରି ଉତ୍ତେଜନା କରିଥିଲେ । କଣ୍ଟାବାଞ୍ଜି ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିବା ବେଳେ ସର୍ଗିଗୁଡା ଗାଁରୁ ଦୁର୍ଘଟଣା ଘଟାଇ ଥିବା ଚାଳକକୁ ଗିରଫ କରିବାରେ ସଫଳ ହୋଇଥିଲା ।
Comments are closed.