ପାପଡାହାଣ୍ଡି: ପାପଡାହାଣ୍ଡି ବ୍ଲକ ବିଜୁ ଜନତା ଦଳ ପକ୍ଷରୁ ପାପଡାହାଣ୍ଡି ସ୍ଥ ପଂଚାୟତ ଗୋଦାମ ଗୃହ ଠାରେ ଆଜି ବିଜୁ ଜନତା ଦଳର ୨୫ ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି। ଏହି ଅବସରରେ ଏହି କାର୍ୟ୍ୟକ୍ରମ ରେ କୋଭିଡ ନିୟମ ଅନୁଯାଇ ଅଳ୍ପ ସଂଖ୍ୟକ କର୍ମୀଙ୍କ ଉପସ୍ଥିତରେ ଆୟୋଜିତ କାର୍ୟ୍ୟକ୍ରମରେ ପାପଡାହାଣ୍ଡି ବ୍ଲକର ବିଭିନ୍ନ ପଞ୍ଚାୟତର ଶତାଧିକ ବିଜେଡି କର୍ମୀ ସାମିଲ ହୋଇଥିଲେ। ଏହି କାର୍ଯ୍ୟକ୍ରମରେ ସମସ୍ତ ଅତିଥି ନବୀନ ପଟନାୟକ ଶାସନ କାଳରେ ହୋଇଥିବା ଜନହିତକର କାର୍ୟ୍ୟର ଗୁଣଗାନ କରିଥିଲେ ଏବଂ ବିଜୁ ପଟ୍ଟନାୟକ ଓଡିଶାବାସୀଙ୍କ ପାଇଁ ଯେଉଁ ସ୍ବପ୍ନ ଦେଖିଥିଲେ ମୁଖ୍ୟମନ୍ତ୍ରୀ ନବୀନ ପଟନାୟକ ସେହି ସ୍ବପ୍ନ କୁ ସାକାର କରିଥିବା କହିଥିଲେ।
ଓଡିଶାରେ ନବୀନ ପଟ୍ଟନାୟକଙ୍କ ବିକଳ୍ପ ନଥିବା ବେଳେ ଆଗାମୀ ଦିନରେ ବିଜେଡି ଦଳକୁ ପୁଣି ଶକ୍ତିଶାଳୀ କରିବାପାଇଁକର୍ମୀ ମାନଙ୍କୁ ଅକ୍ଷହ୍ୱାନ ଦେଇଥିଲେ ଏବଂ ଆସନ୍ତା ପଞ୍ଚାୟତ ସ୍ତରୀୟ ନିର୍ବାଚନରେ ବିଜୁ ଜନତା ଦଳ କର୍ମୀ ମାନେ ସମସ୍ତ ପଦପଦବୀକୁ ଅକ୍ତିଆର କରିବାପାଇଁ ସଂକଳ୍ପ ନେବାପାଇଁ କହିଥିଲେ। ପାପଡାହାଣ୍ଡି ବ୍ଲକ ବିଜେଡି ସଭାପତି ବିଦ୍ୟାଧର ମଲିକଙ୍କ ଅଧ୍ୟକ୍ଷତାରେ ଆୟୋଜିତ ଏହି କାର୍ଯ୍ୟକ୍ରମ ରେ ସମ୍ମାନିତ ଅତିଥି ଭାବେ ସୋମନାଥ ବିଶୋଇ, ସୁଶାନ୍ତ ବେହେରା, ତାଜୁ ଧୀନ, ରଜନୀ ଶାସମାଲ, ତ୍ରିନାଥ ପ୍ରଧାନ, ତୁଳସା ଭତରା, ପ୍ରହଲ୍ଲାଦ ଅଗ୍ରୱାଲ, ପ୍ରମୁଖ ଉପସ୍ଥିତ ଥିଲେ।
Comments are closed.