ପାଟଣା: ସ୍ଥାନୀୟ ଅଞ୍ଚଳରେ ଏକ ବୋଲେରୋ ସିରିଜ ଦୁର୍ଘଟଣା ଘଟାଇବା ଦ୍ବାରା ଜଣଙ୍କର ମୃତ୍ୟୁ ହୋଇଥିବାବେଳେ ଅନ୍ୟଜଣେ ଗୁରୁତର ହୋଇ ଚିକିତ୍ସାଧୀନ ଥିବା ଜଣାପଡ଼ିଛି। ଘଟଗାଁ ବ୍ଲକ ବଡଜାମୁପଶି ପଞ୍ଚାୟତ କୁଣ୍ଡାପିଠାର ପଡା ଗ୍ରାମ ରେଙ୍ଗାଳବେଡାର ଜନ୍ମେଜୟ ମହାନ୍ତ ଓରଫ କୁନା ମହାନ୍ତ (୩୦) ନାମକ ଜଣେ ଯୁବକଙ୍କର ସଡକ ଦୁର୍ଘଟଣାରେ ହରିଚନ୍ଦନପୁର ଥାନା ଠାକୁରପଡା ନିକଟରେ ମୃତ୍ୟୁ ଘଟିଛି।
ଆଜି ସନ୍ଧ୍ୟାରେ ଏକ ବୋଲେରୋ ଜନ୍ମେଜୟଙ୍କ ସ୍କୁଟିକୁ ପଛ ପଟରୁ ଧକ୍କା ଦେବାରୁ ଦୁର୍ଘଟଣାରେ ସେ ପ୍ରାଣ ହରାଇଛନ୍ତି। ଦୁର୍ଘଟଣାରେ ଜନ୍ମେଜୟଙ୍କୁ ମରଣ ମୁହଁକୁ ପଠାଇ ଦେଇ ବୋଲେରୋଟିକୁ ନେଇ ଦ୍ରୁତ ଗତିରେ ଚାଳକ ପଳାଇଯାଉଥିବା ସମୟରେ ବଡଶିଆଡିମାଳ ନିକଟରେ ପୂଜକ ମାୟାଧର ଶତପଥି (୫୦)ଙ୍କୁ ଧକ୍କା ଦେଇଥିଲା। ଫଳରେ ସେ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହେବା ସହ ଚିକିତ୍ସାଧିନ ରହିଛନ୍ତି। ଏହାପରେ ପରେ ରେବଣାପଳାଶପାଳ ଛକ ନିକଟରେ ବୋଲେରୋଟି ଦୁଇଗୋଟି ବାଇକକୁ ଧକ୍କା ଦେଇଥିବା ସୂଚନା ମିଳିଛି ।
Comments are closed.