ପାଟଣା: କେନ୍ଦୁଝର ଜିଲା ପାଟଣା ବ୍ଲକ ଅନ୍ତର୍ଗତ ତୁରୁମୁଙ୍ଗା ଥାନା ଚାକୁଣ୍ଡାପାଳ ପଞ୍ଚାୟତ ଜଡିଚାତର ଗ୍ରାମରେ ଡିବିରିରେ ପୋଡ଼ି ହୋଇ ବୃଦ୍ଧ ଦମ୍ପତି ଙ୍କର ମୃତ୍ୟୁ ଘଟିଛି। ସୂଚନା ଅନୁଯାୟୀ ଜଡିଚାତର ଗ୍ରାମର ଲାଲମୋହନ ମହାନ୍ତ(୭୫) ଓ ତାଙ୍କ ପତ୍ନୀ ଲବଙ୍ଗ ମହାନ୍ତ (୬୫) ବୁଧବାର ଖାଇପିଇ ଘରେ ଶୋଇଥିବା ସମୟରେ ବିଳମ୍ବିତ ରାତିରେ ବିଛଣାରେ ଡିବିରିରୁ ନିଆଁ ଲାଗି ଯାଇଥିଲା।
ଫଳରେ ଘଟଣା ସ୍ଥଳରେ ଲବଙ୍ଗଙ୍କର ମୃତ୍ୟୁ ଘଟିଥିବାବେଳେ କେନ୍ଦୁଝର ଜିଲା ମୁଖ୍ୟ ଚିକିତ୍ସାଳୟରେ ଚିକିତ୍ସାଧୀନ ଅବସ୍ଥାରେ ଲାଲମୋହନଙ୍କର ଗୁରୁବାର ରାତିରେ ମୃତ୍ୟୁ ଘଟିଛି। ଖବର ପାଇ ଆଜି ତୁରୁମୁଙ୍ଗା ଆରକ୍ଷୀ ସହକାରୀ ଉପ ନୀରିକ୍ଷକ ସୁଜାତା ମହାନ୍ତ କେନ୍ଦୁଝରରେ ପହଞ୍ଚି ଲାଲମୋହନଙ୍କ ମୃତଦେହକୁ ଜବତ କରି ବ୍ୟବଚ୍ଛେଦ କରାଇଛନ୍ତି। ଏନେଇ ତୁରୁମୁଙ୍ଗା ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି। ଆରକ୍ଷୀଙ୍କୁ ନଜଣାଇ ଗୁରୁବାର ସକାଳୁ ତାଙ୍କ ପରିବାର ମୃତା ଲବଙ୍ଗ ଙ୍କର ଅନ୍ତିମ ସଂସ୍କାର କରାଯାଇଥିବା ସୂଚନା ମିଳିଛି।
Comments are closed.