ନବରଙ୍ଗପୁର ( ଆ ପ୍ର ) – ନବରଙ୍ଗପୁର ଜିଲ୍ଲାରେ କାର୍ଯ୍ୟରତ ପୋଲିସ୍ ସବ ଇନ୍ସପେକ୍ଟର ରଞ୍ଜିତ କୁମାର ଭୋଇଙ୍କ ମୃତ୍ୟୁ ହୋଇଛି । ମଙ୍ଗଳବାର ବିଳମ୍ବିତ ରାତିରେ ନବରଙ୍ଗପୁର ସହ ର ଚାମୂରିଆଗୁଡା ଅଞ୍ଚଳରେ ଏକ ଦୁର୍ଘଟଣାରେ ସେ ଗୁରୁତର ହୋଇ ନବରଙ୍ଗପୁର ମେଡିକାଲ ରେ ଭର୍ତ୍ତି ହୋଇଥିଲେ । ସେଠାରେ ତାଙ୍କୁ ଡାକ୍ତର ମୃତ ଘୋଷଣା କରିଥିଲେ । ସେ କୌଣସି କାମରେ ଯାଉଥିବା ବେଳେ ଏକ ଟ୍ରକ ତାଙ୍କ ମଟର ସାଇକେଲ କୁ ଧକ୍କାଦେବା ଫଳରେ ତାଙ୍କ ମୁଣ୍ଡରେ ଆଘାତ ଲାଗିଥିଲା ।
ତାଙ୍କୁ ଜିଲ୍ଲା ମୂଖ୍ୟ ଚିକିତ୍ସାଲୟକୁ ନେଇଥିବା ବେଳେ ଡାକ୍ତର ତାଙ୍କୁ ମୃତ ଘୋଷଣା କରିଥଲେ , କିଛିଦିନ ତଳେ ତାଙ୍କର ଢେଙ୍କାନାଳ ଜିଲ୍ଲାକୁ ବଦଳି ହୋଇ ଥିଲା । ସେ ନବରଙ୍ଗପୁର ଜିଲ୍ଳାରୁ ଋଲିଭ ହୋଇ ଢେ଼ଙ୍କାନାଳ ଜିଲ୍ଲାରେ ଯୋଗ ଦେବାକୁ ଯିବାକୁ ଥିବାବେଳେ ଏହି ଘଟଣା ଘଟିଗଲା । ତାଙ୍କ ମୃତ୍ୟୁରେ ପୋଲିସ ବିଭାଗ ପକ୍ଷରୁ ଦୁଃଖ ପ୍ରକାଶ କରାଯାଇଛି । ନବରଙ୍ଗପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଶବ ବ୍ୟବଚ୍ଛଦ ପରେ ବୁଧବାର ଅପରାହ୍ନ ରେ ତାଙ୍କର ଶବ କୁ ତାଙ୍କ ପୈତୃକ ଗ୍ରାମ ଅନଗୁଳ କୁ ପଠାଯାଇଥିଲା । ଏହି ସମୟରେ ପାପଡାହାଣ୍ଡି ଥାନା ଏସଡିପିଓ ଆଦିତ୍ୟ ସେନ, ଆଇଆଇସି ଶୁଭେନ୍ଦୁ କୁମାର ଶବର ଓ ଥାନା କର୍ମଚାରୀମାନେ ଉପସ୍ଥିତ ରହି ଶ୍ରଦ୍ଧାଞ୍ଜଳୀ ପ୍ରଦାନ କରିଥିଲେ ।
