କଣ୍ଟାବାଞ୍ଜି: ତୁରେକେଲା ବ୍ଲକ ବଡଡକଲା ଗ୍ରାମ ପଂଚାୟତ ତେତେଲଖୁଣ୍ଟି ଗ୍ରାମରେ ଦୀର୍ଘ ୧ ମାସରୁ ଉର୍ଦ୍ଧ ହେବ ଟ୍ରାନ୍ସଫର୍ମର ପୋଡି ଯାଇଥିବାରୁ ଗ୍ରାମବାସୀ ମାନେ ଅନ୍ଧାରରେ ରହିବା ସହ ବହୁ ଅସୁବିଧାର ସମ୍ମୁଖୀନ ହେଉଥିଲେ। ବିଦ୍ୟୁତ ବିଭାଗ କୁ ଜଣାଇଲେ ମଧ୍ୟ ବିଦ୍ୟୁତ ସଂଯୋଗ ହେଇପାରୁନଥିଲା। ଗତ ପାଂଚଦିନତଳେ ଗ୍ରାମବାସୀ ମାନେ ବିଜେଡି ବିଧାୟକ ପ୍ରାର୍ଥି ଅଜୟ ଦାସଙ୍କୁ ଜଣାଇଲାପରେ ଶ୍ରୀ ଦାସ ଙ୍କ ସହିତ କଣ୍ଟାବାଞ୍ଜି ସ୍ଥିତ ବିଦ୍ୟୁତ କାର୍ଯ୍ୟଳୟ କୁ ଯାଇ ବିଭାଗୀୟ ଅଧିକାରୀ ଙ୍କ ସହିତ ଆଲୋଚନ। ପରେ ଟିଟିଲାଗଡ ବିଭାଗୀୟ ନିର୍ବାହୀ ଯନ୍ତ୍ରୀ ଏକ ୬୩ କେ.ଭି ଟ୍ରାନ୍ସଫର୍ମର ଯୋଗାଇଦେବା ପରେ ତେତେଲଖୁଣ୍ଟି ବିଦ୍ୟୁତ ସଂଯୋଗ ହେବାରୁ ଗ୍ରାମରେ ଆନନ୍ଦର ଲହରୀ ଦେଖାଦେଇଥିଲା। ସମସ୍ତ ଗ୍ରାମବାସୀ ଲାଇନ ସଂଯୋଗ ହେବା ପରେ ଅଜୟ ଦାସଙ୍କୁ ଗ୍ରାମକୁ ଡକାଇ ଏକ ସଭାର ଆୟୋଜନ କରିବା ସହ ଭବ୍ୟ ସ୍ୱାଗତ କରିଥିଲେ। ଶ୍ରୀ ଦାସ ବିଦ୍ୟୁତ ବିଭାଗ କଥାରଖି ସଙ୍ଗେ ସଙ୍ଗେ ନୂତନ ଟ୍ରାନ୍ସଫର୍ମର ଗ୍ରାମରେ ବସାଇ ବିଦ୍ୟୁତ ସଂଯୋଗ କରିଥିବାରୁ ବିଦ୍ୟୁତ ବିଭାଗ ନିର୍ବାହୀ ଯନ୍ତ୍ରୀ , ଉପଖଣ୍ଡ ଯନ୍ତ୍ରୀ ଓ କନିଷ୍ଠ ଯନ୍ତ୍ରୀ ଓ କର୍ମଚାରୀ ଙ୍କୁ ଧନ୍ୟବାଦ ଅର୍ପଣ କରିଥିଲେ। ଏହି କାର୍ଯ୍ୟକ୍ରମରେ ତୁରେକେଲା ବ୍ଲକ ବିଜେଡି ସଭାପତି ଆଶାଦୁଲ୍ଲା ଖାଁ, ଜିଲ୍ଲା କାର୍ଯ୍ୟକରିଣୀ ସଭ୍ୟ ବିଶ୍ୱନାଥ ସାହୁ ଙ୍କ ଗଣେଶ ଖର୍ସେଲ,ରୁକ୍ମଣ ମାଝୀ, ପର୍ଶୁରାମ ମାଝୀ, ଜୟ ପ୍ରକାଶ ଖର୍ସେଲ, ଖଗ ମାଝୀ,ସହଦେବ ମାଝୀ ପ୍ରମୁଖ ଉପସ୍ଥିତ ଥିଲେ।
Popular Categories
Previous article
Next article