ପାଟଣା : ସରକାରଙ୍କ ଭତ୍ତା ଯୋଜନାରେ ଆଜି ବି ଭତ୍ତାରୁ ୧୨ଜଣ ବୃଦ୍ଧା ଓ ବିଧବା ଭତ୍ତା ବଞ୍ଚିତ ହୋଇଛନ୍ତି। କେନ୍ଦୁଝରଜିଲ୍ଲା ପାଟଣାବ୍ଲକ କେନ୍ଦେଇପଶି ପଞ୍ଚାୟତ ଅନ୍ତର୍ଗତ ଖୁଣ୍ଟାପଡା ଗ୍ରାମରେ ସରକାରୀ ଭତ୍ତା ଯୋଜନା ବୃଦ୍ଧା ଓ ବିଧବା ଭତ୍ତା ରୁ ବଞ୍ଚିତ ହୋଇଥିବା ଅଭିଯୋଗ ହୋଇଛି। ଏମାନେ ପଞ୍ଚାୟତ ରୁ ଆରମ୍ଭ କରି ବ୍ଲକ ଯାଏ ଦୌଡ଼ି ଦୌଡ଼ି ନାକେ ଦମ ହୋଇ ଥିଲେ ମଧ୍ୟ ଆଜି ପର୍ୟ୍ୟନ୍ତ ଭତ୍ତା ମିଳିବା ଏମାନଙ୍କ ପାଇଁ ସ୍ବପ୍ନ ହୋଇଛି। ତଥାପି ଏମାନେ ଭତ୍ତା ପାଇବା ଆଶା ନେଇ ଭରଷା ରଖିଛନ୍ତି । ଖୁଣ୍ଟାପଡା ଗ୍ରାମ ରୁ ବିଧବା ଭତ୍ତା ପାଇଁ ୪ଜଣ ମହିଳା ପ୍ରମିଳା ମହାନ୍ତ,ଖଳିକା ମହାନ୍ତ,ଗହମି ମହାନ୍ତ,ସବିତା ମହାନ୍ତ ଙ୍କ ସହ ବାର୍ଦ୍ଧକ୍ୟ ଭତ୍ତା ପାଇଁ ୭ଜଣ ଅନାମ ଚରଣ ମହାନ୍ତ, ଟୁନି ମହାନ୍ତ, ପ୍ରମିଳା ଗରଡ଼ିଆ,ରଞ୍ଜୁଲତା ମହାନ୍ତ,ଲୁଚୋନ ମହାନ୍ତ, ନବୀନ ଚରଣ ମହାନ୍ତ,ତୁଳମଣି ମହାନ୍ତ ମିଶାଇ ମୋଟ ୧୨ଜଣ ଭତ୍ତା ଯୋଜନା ରୁ ବଞ୍ଚିତ ଥିବା ବେଳେ ସରକାରୀ ଯୋଜନା ଏଠାରେ ବାଟମାରଣା ହେଉଥିବା ଏମାନେ ଅଭିଯୋଗ କରିଛନ୍ତି। ଏହି ସବୁ ବୃଦ୍ଧ ଓ ବିଧବା ମାନେ ଭତ୍ତା ପାଇବା ପାଇଁ ଯୋଗ୍ୟ ହୋଇଥିବା ବେଳେ ଆଜି ପର୍ୟ୍ୟନ୍ତ କାହିଁକି ସେମାନଙ୍କୁ ଭତ୍ତା ମିଳିନାହିଁ ତାହାର ସଠିକ କାରଣ ଜଣାପଡ଼ିନାହିଁ।
Comments are closed.