ଜୟପୁର : ରାଜସ୍ଥାନ ସରକାର ନିଜ ରାଜ୍ୟରେ ଥିବା ମୁସଲମାନ ନାମ ଥିବା ଗାଁଗୁଡ଼ିକର ନାଁ ବଦଳାଇ ଦେଉଛନ୍ତି। କିଛି ଗାଁର ଲୋକେ ମୁସଲମାନ ନାମକୁ ନେଇ ଆପତ୍ତି ଉଠାଇବା ପରେ ସରକାର ଏଭଳି ନିଷ୍ପତ୍ତି କାର୍ଯ୍ୟକାରୀ କରୁଥିବା କୁହାଯାଉଛି। କେନ୍ଦ୍ର ସରକାରଙ୍କ ଅନୁମତିକ୍ରମେ ପ୍ରଥମ ପର୍ଯ୍ୟାୟରେ ତିନିଟି ଗାାଁର ନାମ ପରିବର୍ତ୍ତନ କରାଯାଇଥିବା ଜଣାପଡ଼ିଛି। ସୀମାନ୍ତ ଅଞ୍ଚଳ ବାରମେର ଜିଲାର ‘ମିଓଁ କା ବାରା’ ଗ୍ରାମର ନାମ ପରିବର୍ତ୍ତନ କରାଯାଇ ‘ମହେଶ ନଗର’ ରଖାଯାଇଛି। ଏହି ଗାଁରେ ପ୍ରାୟ ୨ହଜାର ଲୋକ ବାସ କରନ୍ତି। ସେମାନଙ୍କ ମଧ୍ୟରେ ମାତ୍ର ୪ଟି ପରିବାର ମୁସଲମାନ ହୋଇଥିବାବେଳେ ଅନ୍ୟମାନେ ହିନ୍ଦୁ। ହିନ୍ଦୁମାନେ ଗାଁରନାମ ବଦଳାଇବାକୁ ଜିଲାପାଳଙ୍କଠାରେ ନିବେଦନ କରିଥିଲେ। ସେହିଭଳି ଝୁନ୍ଝୁନୁ ଜିଲା ଅନ୍ତର୍ଗତ ‘ଇସମାଇଲପୁର’ର ନାମ ପରିବର୍ତ୍ତନ କରାଯାଇ ‘ପିଚାନ୍ୱା ଖୁର୍ଦ୍ଦ’ ଓ ଜାଲୋର ଜିଲା ଅନ୍ତର୍ଗତ ‘ନାରପରା’ର ନୂଆ ନାମ ‘ନାରପୁରା’ ରଖାଯାଇଛି। ଏନେଇ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଥିଲେ ମଧ୍ୟ ଆଗକୁ ଏହା ବଳବତ୍ତର ରହିବ ବୋଲି ସରକାରୀ ସୂତ୍ରରୁ ପ୍ରକାଶ।
Popular Categories
Previous article
Next article