ସିଡନୀ : ଭ୍ରମଣକାରୀ ଭାରତ ଓ ଘରୋଇ ଅଷ୍ଟ୍ରେଲିଆ କ୍ରିକେଟ୍ ଦଳ ମଧ୍ୟରେ ୩ଟି ଲେଖାଏଁ ଦିନିକିଆ ଓ ଟ୍ବେଣ୍ଟି୨୦ ସିରିଜ୍ ସହ ୪ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜ୍ ଖେଳାଯିବ। କରୋନା ସଂକ୍ରମଣଜନିତ ପରିସ୍ଥିତିକୁ ଦୃଷ୍ଟିରେ ରଖି ୩ଟି ଯାକ ଫର୍ମାଟ୍ରେ ଖେଳିବାକୁ ଥିବା ଭାରତୀୟ କ୍ରିକେଟର୍ଙ୍କୁ ଅଷ୍ଟ୍ରେଲିଆ ପଠାଇଛି ବିସିସିଆଇ। ଗୁରୁବାର ଟେଷ୍ଟ ସ୍ପେଶାଲିଷ୍ଟ ବ୍ୟାଟସମ୍ୟାନ୍ ଚେତେଶ୍ବର ପୂଜାରା ନେଟ୍ସରେ ଦୀର୍ଘସମୟ ଧରି ଅଭ୍ୟାସ କରିଥିଲେ। ପୂଜାରା ନେଟ୍ସରେ ଅଭ୍ୟାସ କରୁଥିବା ସଂପର୍କରେ ବିସିସିଆଇ ତରଫରୁ ଟ୍ବିଟ୍ କରାଯାଇଛି। ଦୁଇ ଦଳ ମଧ୍ୟରେ ପ୍ରଥମ ଟେଷ୍ଟ ମ୍ୟାଚ୍ ଡିସେମ୍ବର ୧୭ରୁ ଆଡିଲେଡ୍ରେ ଦିବାରାତ୍ର ଭାବେ ଖେଳାଯିବ। ଟେଷ୍ଟ ସିରିଜ୍ର ୪ଟି ମ୍ୟାଚ୍ ବିଶ୍ବ ଟେଷ୍ଟ ଚମ୍ପିଆନ୍ସିପର ଅନ୍ତର୍ଗତ। ବିଶ୍ବ ଟେଷ୍ଟ ଚମ୍ପିଆନ୍ସିପର ପଏଣ୍ଟ ତାଲିକାରେ ଭାରତ ଓ ଅଷ୍ଟ୍ରେଲିଆ ପ୍ରଥମ ଓ ଦ୍ବିତୀୟ ସ୍ଥାନରେ ରହିଛନ୍ତି।
Popular Categories
Previous article
Next article