ମୁମ୍ବାଇ: ଶୁକ୍ରବାର ଦିନ ରିଲିଜ ହୋଇଥିବା ଚଳଚ୍ଚିତ୍ର ‘ସଞ୍ଜୁ’ ଖୁବ୍ ସଫଳତାର ସହ ଆଗେଇ ଚାଲିଛି । ପ୍ରଥମ ଦିନରୁ ହିଁ ହଲ୍ରେ ଦର୍ଶକଙ୍କ ବେଶ ଭିଡ଼ ଜମିଥିଲା । ଏହି ସଫଳତା ଆଧାରରେ ୨୦୧୮ର ‘ସଞ୍ଜୁ’ ସବୁଠାରୁ ଅଧିକ ଆୟ କରିଥିବା ଚଳଚ୍ଚିତ୍ର ହେବ ବୋଲି ସିନେ ସମୀକ୍ଷକମାନେ ଅନୁମାନ କରିଛନ୍ତି । ରାଜକୁମାର ହିରାନୀଙ୍କ ନିଦେ୍ର୍ଦଶିତ ଏହି ଚଳଚ୍ଚିତ୍ରରେ ରଣବୀର କପୁର ଚତ୍ମକାର ଅଭିନୟ କରିଛନ୍ତି । ଶୁକ୍ରବାର ଓ ଶନିବାର ଦିନ ଏହି ସିନେମା ପ୍ରାୟ ୭୩.୩୫ କୋଟି ଟଙ୍କା ଆୟ କରିସାରିଛି । ‘ରେସ୍ ୩’ର ୨ୟ ଦିନର ଆୟ ୩୮.୧୪ କୋଟି ଟଙ୍କା ଥିବା ବେଳେ ‘ସଞ୍ଜୁ’ର ୨ୟ ଦିନର ଆୟ ୩୮.୬୦ କୋଟି ଟଙ୍କା ଥିଲା । ‘ସଞ୍ଜୁ’ ସମସ୍ତ ରେକର୍ଡ ଭାଙ୍ଗିବ ବୋଲି ସଞ୍ଜୟ ଦତ୍ତ ଓ ରଣବୀର କପୁରଙ୍କ ପ୍ରଶଂସକମାନେ କହିଛନ୍ତି ।
