ଭୁବନେଶ୍ୱର: ବାଣୀବିହାର ପୁରାତନ ଛାତ୍ର ସଂଗଠନ (ଭୋସ-୯୨)ର ବାର୍ଷିକ ବନ୍ଧୁ ମିଳନ “ଆମ୍ରପଲ୍ଲୀ ରିସର୍ଟ “ରେ ଅନୁଷ୍ଠିତ ହୋଇଯାଇଛି। ଏହି ସମାବେଶରେ ଭାବାବେଗ ଏବଂ ଆତ୍ମିୟତା ବେଶ ପରିଲକ୍ଷିତ ହୋଇଥିଲା। ବିଗତ ୩୩ବର୍ଷର ବାଣୀବିହାର ଅନୁଭୁତିକୁ ବନ୍ଧୁ ଓ ବାନ୍ଧଵୀମାନେ ରୋମନ୍ଥନ କରିଥିଲେ। ବିଦେଶରୁ ବହୁତ ବନ୍ଧୁ ଓ ବାନ୍ଧବୀ ଏଥିରେ ଯୋଗ ଦେଇଥିଲେ। ସାସ୍କୃତିକ କାର୍ଯ୍ୟକ୍ରମ ବେଶ ମନ ମୁଗ୍ଧକର ହୋଇଥିଲା।
ଏ ବର୍ଷର ନୂତନ କର୍ମକର୍ତ୍ତା ଭାବରେ ପ୍ରିୟବ୍ରତ ମହାନ୍ତି ସଭାପତି, ପୁଷ୍ପଜିତ ମହାପାତ୍ର ଉପସଭାପତି, ମନୋଜ କୁମାର ରାଉତ ସମ୍ପାଦକ, ମନୋଜ କୁମାର ଦେଓ ସହସମ୍ପାଦକ, ହିମାଂଶୁ ଶେଖର ସ୍ୱାଇଁ କୋଷାଧକ୍ଷ, ସୌମେନ୍ଦ୍ର ମହାପାତ୍ର ଅଡିଟର ଏବଂ ଗଦାଧର ରଥ ଆବାହକ ସର୍ବସମ୍ମତିକ୍ରମେ ନିର୍ବାଚିତ ହୋଇଥିଲେ। ପରିଶେଷରେ ବାଣୀବିହାର ପୁରାତନ ଛାତ୍ର ସଂଗଠନ ଆଗାମୀ ଦିନରେ ସମାଜ ସେବା ପାଇଁ କାର୍ଯ୍ୟ କରିବା ବୋଲି ନିଷ୍ପତ୍ତି ଗ୍ରହଣ କରାଯାଇଥିଲା। ଏହାସହିତ ସମାଜ ସେବା ପାଇଁ ନିଆଯାଇଥିବା କାର୍ଯ୍ୟକ୍ରମଗୁଡିକର ତ୍ୱରାନ୍ୱିତ ନିମନ୍ତେ ପଦକ୍ଷେପ ନେବାକୁ ମତପ୍ରକାଶ ପାଇଥିଲା । ଏହି ବନ୍ଧୁମିଳନ କାର୍ଯ୍ୟକ୍ରମରେ ଯୋଗଦେଇଥିବା ବନ୍ଧୁ ଓ ବାନ୍ଧବୀଙ୍କୁ ଧନ୍ୟବାଦ ଅର୍ପଣ କରାଯାଇଥିଲା।
