ନୂଆଦିଲ୍ଲୀ : କରୋନା ମୁକାବିଲା କ୍ଷେତ୍ରରେ କେନ୍ଦ୍ର ସରକାର ଏକ ବଡ ନିଷ୍ପତ୍ତି ନେଇଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍ ବୈଠକରେ ଆଜି ଦୁଇଟି ନିଷ୍ପତ୍ତି ନିଆଯାଇଛି। ପ୍ରଥମ ନିଷ୍ପତ୍ତି ଅନୁଯାୟୀ ସମସ୍ତ ସାଂସଦଙ୍କ ଦରମା ଗୋଟିଏ ବର୍ଷ ପାଇଁ ୩୦ ପ୍ରତିଶତ ହ୍ରାସ କରାଯାଇଛି। ଦ୍ୱିତୀୟ ନିଷ୍ପତ୍ତି ହେଉଛି, ଏମପି ପାଣ୍ଠି ଦୁଇ ବର୍ଷ ଯାଏଁ ଟଙ୍କା ପଠାଯିବ ନାହିଁ। ଏହି ପାଣ୍ଠି କରୋନା ମୁକାବିଲା ପାଇଁ ବ୍ୟବହୃତ କରାଯିବ।
କ୍ୟାବିନେଟର ନିଷ୍ପତ୍ତି ସମ୍ପର୍କରେ ସୂଚନା ଦେଇ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର କହିଛନ୍ତି ଯେ, ଗୋଟିଏ ବର୍ଷ ପାଇଁ ସମସ୍ତ ସାଂସଦଙ୍କ ଦରମା ୩୦ ପ୍ରତିଶତ ହ୍ରାସ କରିବାକୁ ନିଷ୍ପତ୍ତି ନିଆଯାଇଛି। ପ୍ରଧାନମନ୍ତ୍ରୀ, ସମସ୍ତ କ୍ୟାବିନେଟ ମନ୍ତ୍ରୀ ଏବଂ ରାଜ୍ୟ ମନ୍ତ୍ରୀଙ୍କ ଦରମା ୩୦ ପ୍ରତିଶତ ହ୍ରାସ ପାଇବ। ଏହି ଦରମା ଟଙ୍କାକୁ କରୋନା ମୁକାବିଲା ପାଇଁ ବ୍ୟବହୃତ କରାଯିବ।
