ସମାଜ ପୋର୍ଟାଲ ଡେସ୍କ: ପିଆଜ ଦରକୁ ନେଇ ସାରା ଦେଶରେ ଅସନ୍ତୋଷ ବୃଦ୍ଧି ପାଇବାରେ ଲାଗିଛି। ସର୍ବକାଳୀନ ରେକର୍ଡ ଭଙ୍ଗ କରି ଅନେକ ରାଜ୍ୟରେ ପିଆଜ କିଲୋ ପ୍ରତି ୧୦୦ ଟଙ୍କାରେ ପହଞ୍ଚିଛି। ଘର ତ ଘର, ହୋଟେଲରେ ଏମିତି ବି ଫାଷ୍ଟ ଫୁଡ ଦୋକାନରେ ମଧ୍ୟ ପିଆଜର ଚିହ୍ନବର୍ଣ୍ଣ ନାହିଁ। ଚେନ୍ନାଇରେ ପିଆଜ ଦର ୧୨୦ରେ ପହଞ୍ଚିଛି। ତେବେ ୧୦/୧୫ ଦିନ ପୂର୍ବରୁ ପିଆଜ ଦର କାମ ହେବାର ସମ୍ଭାବନା ନାହିଁ। ମିଳିଥିବା ସୂଚନା ଅନୁଯାୟୀ, ଆସନ୍ତା ଡିସେମ୍ବର ୧୦ରେ ଇଜିପ୍ଟରୁ ଭାରତକୁ ପିଆଜ ଆସିବାକୁ ଥିବା ବେଳେ ସେତେବେଳକୁ ପିଆଜ କିଲୋ ପ୍ରତି ୧୫୦ରେ ପହଂଚି ସାରିଥିବ ବୋଲି ଅନୁମାନ କରାଯାଉଛି।
ଡିସେମ୍ବର ୧୦ରେ ପିଆଜ ଆସି ମୁମ୍ବାଇର ଜବାହାରଲାଲ ନେହେରୁ ବିମାନ ବନ୍ଦରରେ ପହଂଚିବା ଓ ପରେ ପର୍ଯ୍ୟାୟକ୍ରମେ ରାଜ୍ୟଗୁଡ଼ିକୁ ପଠାଯିବ। କେନ୍ଦ୍ର ଉପଭୋକ୍ତା ବ୍ୟାପାର ସଚିବ ଅବିନାଶ କେ. ଶ୍ରୀବାସ୍ତବ ଏ ନେଇ ସମସ୍ତ ରାଜ୍ୟ ସରକାରଙ୍କ ସହ ଆଲୋଚନା କରିଛନ୍ତି। ଇଜିପ୍ଟରୁ ପିଆଜ ଆସିଲେ ଦର କେତେ ରହିବ ତାହା ଏ ଯାବତ ଜଣାପଡିନାହିଁ।
