ଲୋକପ୍ରିୟ ଧାରାବାହିକ ‘ବାଳିକା ବଧୂ’ ର ଆନନ୍ଦି(ଅବିକା ଗୈାର) ଟିଭିରେ ଷ୍ଟଣ୍ଟ୍ କରିବାକୁ ମନବଳାଇଛନ୍ତି। ବର୍ତ୍ତମାନ ଅଭିନେତ୍ରୀ ଅବିକା କଲର୍ସ ଚ୍ୟାନେଲ ରେ ପ୍ରସାରିତ ‘ଲାଡୋ-୨’ ରେ ଅଭିନୟ କରୁଛନ୍ତି। ମିଳିଥିବା ସୂଚନା ଅନୁସାରେ ଏହି ଧାରାବାହିକ କିଛିଦିନ ମଧ୍ୟରେ ବନ୍ଦ ହୋଇଯିବ।
ସେଥିଯୋଗୁଁ ଅଭିନେତ୍ରୀ ଅବିକା ଷ୍ଟଣ୍ଟ ଆଧାରିତ ରିଆଲିଟି ସୋ ‘ଖତରୋଂ କେ ଖିଲାଡି’ କରିବାକୁ ଇଚ୍ଛା ପ୍ରକଟ କରିଛନ୍ତି। ବମ୍ବେ ଟାଇମ୍ସ୍ ର ଏକ ସକ୍ଷ୍ୟାତକାରରେ ଅବିକା କହିଛନ୍ତି, ପୂର୍ବବର୍ଷ ମୋ ନିକଟକୁ ଅଫର ଆସିଥିଲା, କିନ୍ତୁ ‘ଶଶୁରାଲ ସିମର କା’ ଏବଂ ଅନାନ୍ୟ କାର୍ଯ୍ୟବ୍ୟସ୍ତତା ଯୋଗୁଁ ମୁଁ ଏହାକୁ ଗ୍ରହଣ କରିପାରିନଥିଲି।
ସେ ଆହୁରି ମଧ୍ୟ କହିଛନ୍ତି ଯେ, ମୁଁ ବିଶେଷ ଭାବରେ କୈାଣସି ଜିନିଷ ପ୍ରତି ଭୟ କରେନାହିଁ, କିନ୍ତୁ ପୋକ କୁ ନେଇ ମୋର ସାମାନ୍ୟ ଭୟ ରହିଛି। ତେଣୁ ଏହି ରିଆଲିଟି ସୋ ମୋର ଧର୍ଯ୍ୟ ପରୀକ୍ଷା କରିବ ବୋଲି ମୁଁ ଭାବୁଛି।
ଅଭିନେତ୍ରୀ ଅବିକା ଗୈାର ଧାରାବାହିକ ‘ବାଳିକା ବଧୂ’ ରେ ଛୋଟ ଆନନ୍ଦି ଚରିତ୍ରରେ ଦର୍ଶକଙ୍କ ମନ ଜିତିବାରେ ସଫକ ହୋଇଥିଲେ। ‘ବାଳିକା ବଧୂ’ ପରେ ଅବିକା ‘ଶଶୁରାଲ ସିମର କା’ ରେ ନଜର ଆସିଥିଲେ।
