ଭୁବନେଶ୍ବର: ଚୀନ୍ର ଝେଜିଆଙ୍ଗରେ ଚାଲିଥିବା ଚୀନ୍ ପାରା ବ୍ୟାଡ୍ମିଣ୍ଟନ ଅନ୍ତର୍ଜାତୀୟ ପ୍ରତିଯୋଗିତାରେ ବିଶ୍ବର ୧ ନମ୍ବର ପାରା ବ୍ୟାଡ୍ମିଣ୍ଟନ ଖେଳାଳି ପ୍ରମୋଦ ଭଗତ ସିଙ୍ଗଲ୍ସ ଓ ଡବଲ୍ସ ବିଭାଗରେ କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଗୁରୁବାର ପ୍ରମୋଦ ସିଙ୍ଗଲ୍ସର ୨ୟ ରାଉଣ୍ଡ ମ୍ୟାଚରେ ଫ୍ରାନ୍ସର ମାଥେଇ ଥମାସଙ୍କୁ ୨୧-୭ ଓ ୨୨-୨୦ରେ ପରାସ୍ତକରି କ୍ୱାର୍ଟର ଫାଇନାଲକୁ ଉନ୍ନୀତ ହୋଇଛନ୍ତି।
ସେହିପରି ଡବଲ୍ସ ବିଭାଗରେ ପ୍ରମୋଦ ଓ ମନୋଜ ସରକାର ଯୋଡ଼ି ୨୧-୭, ୧୪-୨୧ ଓ ୨୧-୧୫ରେ ଚୀନ୍ର ୟୁକ୍ସୁ ଚାନ୍ ଓ ୟାଙ୍ଗ ଗୋଏ ଯୋଡ଼ିଙ୍କୁ ପରାସ୍ତକରି କ୍ୱାର୍ଟର ଫାଇନାଲରେ ପ୍ରବେଶ କରିଛନ୍ତି। ଶୁକ୍ରବାର ପ୍ରମୋଦ ସିଙ୍ଗଲ୍ସ ଓ ଡବଲ୍ସ ବିଭାଗ କ୍ୱାର୍ଟର ଫାଇନାଲ ମ୍ୟାଚ ଖେଳିବେ।
Comments are closed.