କାମାକ୍ଷାନଗର/ନୂଆପଡ଼ା: ରାଜ୍ୟର ପୃଥକ୍ ପୃଥକ୍ ଘଟଣାରେ ହାତୀ ଆକ୍ରମଣରେ ପୁଣି ତିନି ଜଣଙ୍କ ପ୍ରାଣ ଯାଇଛି। ଢେଙ୍କାନାଳ ଜିଲା କାମାକ୍ଷାନଗର ମହାବୀର ରୋଡ୍ ଅଞ୍ଚଳରେ ହାତୀ ଆକ୍ରମଣରେ ଦୁଇଜଣଙ୍କ ମୃତ୍ୟୁ ଘଟିଛି। ମୃତକ ଦୁଇଜଣ ସାନଖଣ୍ଡାନାଳ ଆଶ୍ରମର ସାଧୁ ବୋଲି ଜଣାପଡ଼ିଛି। ଆଶ୍ରମ ନିକଟରେ ଗତ କାଲି ରାତିରେ ହାତୀ ପଲ ଡେରା ପକାଇଥିଲେ। ଶୌଚ ହେବାକୁ ଯାଇଥିବାବେଳେ ହାତୀ ସେମାନଙ୍କୁ ଦଳି ଦେଇଥିଲା। ସେହିପରି ନୂଆପଡ଼ା ଜିଲା କରଙ୍ଗଭଟା ଗାଁର ସହଦେବ ରାଗୁଏ ନାମକ ଜଣେ ବ୍ୟକ୍ତିଙ୍କୁ ହାତୀ ଦଳିଦେବାରୁ ଘଟଣାସ୍ଥଳରେ ତାଙ୍କର ମୃତ୍ୟୁ ଘଟିଛି। ସକାଳୁ କ୍ଷେତକୁ ଯାଇଥିବା ବେଳେ ହାତୀ ମୁହଁରେ ପଡ଼ିଥିଲେ।
