ମହାରାଷ୍ଟ୍ରର ରାୟଗଡରେ ଭୁଶୁଡି ପଡିଲା ପାଞ୍ଚ ମହଲା କୋଠା, ୫୦ ଜଣ ଫସି ରହିଥିବା ଆଶଙ୍କା

ରାୟଗଡ : ସୋମବାର ସନ୍ଧ୍ୟାରେ ମହାରାଷ୍ଟ୍ରର ରାୟଗଡର ମହାଡ ଅଞ୍ଚଳରେ ଏକ ପାଞ୍ଚ ମହଲାର କୋଠା ଭୁଶୁଡି ପଡିଛି। ସେଠାରେ ୫୦ ଜଣ ଫସି ରହିଥିବା ଆଶଙ୍କା କରାଯାଉଛି। ଏପର୍ଯ୍ୟନ୍ତ ୧୫ ଜଣଙ୍କୁ ଉଦ୍ଧାର କରାଯାଇ ନିରାପଦକୁ ସ୍ଥାନାନ୍ତର କରାଯାଇଛି। ସୂଚନା ଅନୁଯାୟୀ, ଏହି କୋଠାଟି ପ୍ରାୟ ୧୦ ବର୍ଷ ପୁରୁଣା ଏବଂ ସେଥିରେ ୫୦ଟି ପରିବାର ବାସ କରୁଥିଲେ। ଘଟଣାସ୍ଥଳରେ ଏନଡିଆରଏଫ ଏବଂ ଅଗ୍ନିଶମ ବାହିନୀ ଦଳ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି।


ଜାତୀୟ ବିପର୍ଯ୍ୟୟ ମୁକାବିଲା ଫୋର୍ସ ମୁତାବିକ, ଆଜି ସନ୍ଧ୍ୟା ପ୍ରାୟ ୬ଟା ୫୦ମିନିଟରେ ରାୟଗଡ ଜିଲ୍ଲାର ମହାଡ ତହସିଲର କାଜଲପୁରା ଅଞ୍ଚଳରେ ଏକ ପାଞ୍ଚ ମହଲା ବିଶିଷ୍ଟ କୋଠା ଭୁଶୁଡି ପଡିଥିଲା। ଏନଡିଆରଏଫ କହିଛି ଯେ, ୫୦ ଜଣ ଲୋକ ଫସି ରହିଛନ୍ତି।

Comments are closed.