ଗୁରୁଡିଝାଟିଆ : ବନବିଭାଗ ଦ୍ୱାରା ହାତୀଦାଉରୁ ଫସଲ ସୁରକ୍ଷା ପାଇଁ ଟଣାଯାଇଥିବା ସୌର ତାରବାଡକୁ କାଟି ଚୋରା ଚାଲାଣ କରୁଥିବା ଅଭିଯୋଗରେ ଗୁରୁଡିଝାଟିଆ ପୁଲିସ ଶ୍ରୀକାନ୍ତ ଦେହୁରୀ ଓ କବାଡିଆ ମତିବୁଡ ରହେମାନଙ୍କୁ ଗିରଫ କରିଛି। ବନବିଭାଗ ଦ୍ୱାରା ପାଇକରାପୁର ଠାରୁ ନାରଙ୍ଗବସ୍ତ ପର୍ଯ୍ୟନ୍ତ ପ୍ରାୟ ୫ ରୁ ୬କିମି ତାରବାଡ ଦିଆଯାଇଥିଲା । ବିଭିନ୍ନ ସମୟରେ ଚୋରମାନେ ତାରକୁ ଚୋରିକରି ନେଉଥିବାରୁ କୃଷକମାନେ ନିଜ ଅର୍ଥରୁ ତାର ଲଗାଉଥିଲେ । ଏ ସଂପର୍କରେ ମଧ୍ୟ ଗୁରୁଡିଝାଟିଆ ଥାନାରେ ଲିଖିତ ଅଭିଯୋଗ ଦେଇଥିଲେ। ହେଲେ କୌଣସି ସୁଫଳ ମିଳିନଥିଲା। ତେବେ ଜିଆଇ ତାର ଚୋରିକରି ଏକ ଟ୍ରଲିରେ ନେଉଥିବା ବେଳେ ଧବଳେଶ୍ୱର ବିଟ ହାଉସ ଅଧିକାରୀ ପ୍ରଦୀପ ସେଠୀ ସେମାନଙ୍କୁ ଅଟକ ରଖି ପଚାରାଉଚରା କରି ତାରକୁ ଜବତ କରିବା ସହ ଦୁଇଜଣଙ୍କୁ ଗିରଫ କରିଥିଲେ।
Comments are closed.