ପାଟନା: ବିହାରର ପୂର୍ବତନ ମନ୍ତ୍ରୀଙ୍କୁ ଛାଡିବାକୁ ପଡ଼ିବ ସରକାରୀ ବଙ୍ଗଳା। ଏ ନେଇ ପାଟନା ହାଇକୋର୍ଟ ନିର୍ଦେଶ ଦେଇଥିବା ଜାତୀୟ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଛି। ବିହାରରେ ମହାମେଣ୍ଟ ଭାଙ୍ଗିବା ପରେ ଗତବର୍ଷ ଭାରତୀୟ ଜନତା ପାର୍ଟି(ବିଜେପି) ଓ ଜନତା ଦଳ ୟୁନାଇଟେଡ(ଜେଡିୟୁ)ର ଗଠବନ୍ଧନ ସରକାର ଗଠିତ ହୋଇଛି। ପରେ ଆରଜେଡି କୋଟାର ପୂର୍ବତନ ମନ୍ତ୍ରୀଙ୍କୁ ସରକାରୀ ବଙ୍ଗଳା ଖାଲି କରିବାକୁ ନୋଟିସ ପଠାଯାଇଥିଲା। ଆରଜେଡିର ପୂର୍ବତନ ମନ୍ତ୍ରୀଙ୍କ ଡାକବଙ୍ଗଳା ଖାଲି କରିବାକୁ ଭବନ ନିର୍ମାଣ ବିଭାଗ ପକ୍ଷରୁ ୨୦୧୭ ସେପ୍ଟେମ୍ବର ୨୦ରେ ଜାରି କରାଯାଇଥିଲା। ବିଜେପି କୋଟାରେ ମନ୍ତ୍ରୀଙ୍କୁ ବଙ୍ଗଳା ଆବଣ୍ଟନ କରାଯିବାର ଥିଲା କିନ୍ତୁ ଆରଜେଡିର କୌଣସି ମନ୍ତ୍ରୀ ବଙ୍ଗଳା ଖାଲି କରି ନାହାଁନ୍ତି। ଆରଜେଡି କୋଟାରେ ୮ ଜଣ ପୂର୍ବତନ ମନ୍ତ୍ରୀ ଏଯାବତ ସରକାରୀ ବଙ୍ଗଳା ଖାଲି କରି ନାହାଁନ୍ତି, ୧୫ ଦିନ ଭିତରେ ନିଜର ନିଜର ସରକାରୀ ବଙ୍ଗଳା ଖାଲି କରିବାକୁ କୁହାଯାଇଛି।
