ପିପିଲି: ପିପିଲି ନିକଟବର୍ତ୍ତୀ ହରିପୁର ସ୍ଥିତ ଭାର୍ଗବୀ ନଦୀରେ ବୁଡି ରାମଚନ୍ଦ୍ର ବେହେରା ନାମକ ଜନୈକ ୫୫ବର୍ଷୀୟ ବ୍ୟକ୍ତିଙ୍କର ମୃତ୍ୟୁ ଘଟିଛି । ତାଙ୍କ ଘର ହରିପୁର ଗ୍ରାମର ଦଳିତସାହିରେ ହୋଇଥିବା ବେଳେ ସେ ଜଣେ ନଡିଆ ତୋଳାଳି (ମାଳୁଆ) ଭାବେ ଅଞ୍ଚଳରେ ପରିଚିତ ଥିଲେ ।
ଶନିବାର ପୂର୍ବାହ୍ନ ପ୍ରାୟ ସାଢେ ୧୦ଟା ସମୟରେ ସେ ଭାର୍ଗବୀ ନଦୀରେ ପହଁରୁଥିବା ବେଳେ ବୁଡି ଯାଇଥିଲେ । ଖବର ପାଇ ପିପିଲି ଦମକଳବାହିନୀ ସହ ବଳଙ୍ଗା ପୁଲିସ ଘଟଣା ସ୍ଥଳରେ ପହଞ୍ôଚ ଦୀର୍ଘ ସାଢେ ୩ଘଣ୍ଟାକାଳ ଅକ୍ଳାନ୍ତ ପରିଶ୍ରମ କରି ମୃତଦେହକୁ ନଦୀରୁ ଉଦ୍ଧାର କରିଥିଲେ । ଏସଂପର୍କରେ ବଳଙ୍ଗା ପୁଲିସରେ ଏକ ଅପମୃତ୍ୟୁ ମାମଲା ରୁଜୁ ହୋଇଛି । ପୁଲିସ ମୃତଦେହକୁ ଜବତ କରି ବ୍ୟବଚ୍ଛେଦ ପାଇଁ ପୁରୀ ପଠାଇ ଘଟଣାର ତଦନ୍ତ ଜାରି ରଖିଥିବା ସଂପର୍କରେ ବଳଙ୍ଗା ଥାନାଧିକାରୀ ସୁଶାନ୍ତ କୁମାର ସାହୁ ସୂଚନା ଦେଇଛନ୍ତି ।
