ଭୁବନେଶ୍ୱର: ରାଜ୍ୟ ସରକାର ଆଜି ବରିଷ୍ଠ ପୁଲିସ ଅଧିକାରୀସ୍ତରରେ ଅଦଳ ବଦଳ କରିଛନ୍ତି। ସେମାନଙ୍କ ମଧ୍ୟରେ ଚାରିଜଣ ଆଇପିଏସ ଏବଂ ଚାରିଜଣ ବରିଷ୍ଠ ଓପିଏସ ଅଧିକାରୀ ଅଛନ୍ତି। ଜଗତସିଂହପୁର ଏସପି ଜୟନାରାୟଣ ପଙ୍କଜଙ୍କୁ କେନ୍ଦୁଝର ଏସପି ଭାବେ ବଦଳି କରାଯାଇଛି। କେନ୍ଦୁଝର ଏସପି ପଣ୍ଡିତ ରାଜେଶ ଉତ୍ତମରାଓଙ୍କୁ ଏସପି, ସିଆଇଡି, କ୍ରାଇମବ୍ରାଞ୍ଚ ଭାବେ ଅବସ୍ଥାପିତ କରାଯାଇଛି। ଏସପି, ସିଆଇଡି, କ୍ରାଇମବ୍ରାଞ୍ଚ ଭାବେ କାର୍ୟ୍ୟରତ ନୀତି ଶେଖରଙ୍କୁ କେନ୍ଦ୍ରାପଡ଼ା ଏସପି ଭାବେ ନିଯୁକ୍ତି ଦିଆଯାଇଛି। ଝାରସୁଗୁଡ଼ା ଏସପି ପ୍ରକାଶ.ଆରଙ୍କୁ ଜଗତସିଂହପୁର ଏସପି ଭାବେ ବଦଳି କରାଯାଇଛି। ଗୁଇନ୍ଦା ବିଭାଗର ଅତିରିକ୍ତ ଏସପି ରବୀନ୍ଦ୍ରକୁମାର ମହାପାତ୍ରଙ୍କୁ ରାଜ୍ୟ ଗୁଇନ୍ଦା ଶାଖାର ଭାରପ୍ରାପ୍ତ ଏସପି, ବିଜୁ ପଟ୍ଟନାୟକ ରାଜ୍ୟ ପୁଲିସ ଏକାଡେମୀର ଅତିରିକ୍ତ ଏସପି ଗଗନ ବିହାରୀ କରଙ୍କୁ ବୈରୀରେ
ଥିବା ପୁଲିସ ପ୍ରଶିକ୍ଷଣ ପ୍ରତିଷ୍ଠାନର ଭାରପ୍ରାପ୍ତ ଏସପି, ଭିଜିଲାନ୍ସର ଅତିରିକ୍ତ ଆଇଜି ଅଶ୍ୱିନୀକୁମାର ମହାନ୍ତିଙ୍କୁ ଝାରସୁଗୁଡ଼ାର ଭାରପ୍ରାପ୍ତ ଏସପି ଏବଂ ଓଡ଼ିଶା ସଶସ୍ତ୍ର ପୁଲିସ ସେବା(ଓଏପିଏସ)ର ସୁଧୀରକୁମାର ବେହେରାଙ୍କୁ କଟକ ପୁଲିସ ମୋଟର ଟ୍ରାନ୍ସପୋର୍ଟ(ପିଏମଟି)ର ଭାରପ୍ରାପ୍ତ ଏସପି ଭାବେ ଅବସ୍ଥାପିତ କରାଯାଇଛି।
