ନୂଆଦିଲ୍ଲୀ : ପିଏନବି ବ୍ୟାଙ୍କ ଦୁର୍ନୀତି ମାମଲାରେ ଭାରତରୁ ଫେରାର ହୋଇଯାଇଥିବା ଗହଣା ବ୍ୟବସାୟୀ ନିରବ ମୋଦିଙ୍କ ବିରୋଧରେ ସିବିଆଇ ସାନି ମାମଲା ରୁଜ୍ଜୁ କରିଛି। ପଞ୍ଜାବ ନ୍ୟାସନାଲ୍ ବ୍ୟାଙ୍କ୍ ପକ୍ଷରୁ ନିରବ ମୋଦିଙ୍କୁ ବେଆଇନ ଋଣ ପ୍ରଦାନ ଦ୍ୱାରା ୩୨୧ କୋଟି ଟଙ୍କାର କ୍ଷତି ମାମଲା ଉପରେ ଏହି ସାନି ମାମଲା ଦାଏର ହୋଇଛି। ମାର୍ଚ୍ଚ ୪ ତାରିଖରେ ବ୍ୟାଙ୍କ୍ ପକ୍ଷରୁ ହୋଇଥିବା ଏକ ଅଭିଯୋଗକ୍ରମେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ବୋଲି ସିବିଆଇର ଜଣେ ଅଧିକାରୀ ସୂଚନା ଦେଇଛନ୍ତି। ଏହି ମାମଲାରେ ସିବିଆଇ ନିରବ ମୋଦି, ତାଙ୍କର ଫାୟାର୍ ଷ୍ଟାର୍ ଡାଏମଣ୍ଡ ଇଣ୍ଟର୍ନ୍ୟାସନାଲ୍ ଲିମିଟେଡ୍ର ତତ୍କାଳୀନବିଭାଗ ଅଧ୍ୟକ୍ଷ ବିପୁଲ୍ ଅମ୍ବାନି, ମୁଖ୍ୟ ବିତ୍ତ ବିଭାଗ ଅଧିକାରୀ ରବି ଗୁପ୍ତା, କମ୍ପାନୀର ଅନ୍ୟାନ୍ୟ ନିର୍ଦ୍ଦେଶକ ଏବଂ ଅଧିକାରୀ ତଥା କେତେକ ଅଜଣା ବ୍ୟାଙ୍କ୍ କର୍ମଚାରୀଙ୍କ ନାମ ଉଲ୍ଲେଖ କରିଛନ୍ତି। ଏହା ହେଉଛି ସିବିଆଇର ଦ୍ୱିତୀୟ ଏଫ୍ଆଇଆର୍, ଯେଉଁଥିରେ ନିରବ ମୋଦିର ନାମ ଉଲ୍ଲେଖ ଅଛି।
Popular Categories
Previous article
Next article