ସମାଜ ଡିଜିଟାଲ ଡେସ୍କ: ରଖେ ହରି, ତ ମାରେ କିଏ ? ଏହି ଉକ୍ତିର ସତ୍ୟତା ପ୍ରମାଣିତ ହୋଇଛି ମଧ୍ୟପ୍ରଦେଶର ଏକ ଘଟଣାରେ। ଜଣେ ୧୦ ବର୍ଷର ନାବାଳକ ମୃତ୍ୟୁକୁ ପରାଜିତ କରି ୧୪୦ ଫୁଟ ଗର୍ତ୍ତ ଏକ ବୋରୱେଲରୁ ଜୀବନ୍ତ ଉଦ୍ଧାର ହୋଇଛି।
ଶନିବାର ମଧ୍ୟପ୍ରଦେଶର ଗୁନା ଜିଲା ଅନ୍ତର୍ଗତ ପିପଲିୟା ଗ୍ରାମରେ ଏକ ବୋରୱେଲ ଗର୍ତ୍ତରେ ଗତ ଶନିବାର ସୁମିତ ମୀନା ନାମକ ନାବାଳକ ଖସିପଡ଼ିଥିଲେ। ବୋରୱେଲ ଗର୍ତ୍ତ ମୁକୁଳା ଥିବାରୁ ସେଥିରେ ସୁମିତ ଅସାବଧାନତାକ୍ରମେ ଖସିପଡ଼ିଥିଲେ। ପରିବାର ଲୋକେ ଜାଣିବା ପରେ ପୁଲିସ ଓ ପ୍ରଶାସନକୁ ଖବର ଦିଆଯାଇଥିଲା। ଖବରପାଇ ପୁଲିସ, ପ୍ରଶାସନିକ ଅଧିକାରୀ, ଅଗ୍ନିଶମ ଓ ଏନଡିଆରଏଫ କର୍ମଚାରୀ ଘଟଣାସ୍ଥଳରେ ପହଞ୍ଚିଥିଲେ। ସନ୍ଧ୍ୟା ୬ଟାରୁ ଉଦ୍ଧାର କାର୍ଯ୍ୟ ଆରମ୍ଭ ହୋଇଥିଲା। କର୍ମଚାରୀମାନେ ସୁମିତଙ୍କୁ ଗର୍ତ୍ତରୁ ବାହାର କରିବାକୁ ନିରବଚ୍ଛିନ୍ନ ଭାବେ ପ୍ରଚେଷ୍ଟା ଜାରି ରଖିଥିଲେ। ଶେଷରେ ରବିବାର ପୂର୍ବାହ୍ନ ପ୍ରାୟ ସାଢ଼େ ୯ଟାରେ ସୁମିତଙ୍କୁ ଗର୍ତ୍ତରୁ ଉଦ୍ଧାର କରାରଯାଇଥିଲା। ଉଦ୍ଧାର ପରେ ତାଙ୍କୁ ଚିକିତ୍ସା ପାଇଁ ଡାକ୍ତରଖାନା ନିଆଯାଇଥିଲା।
Comments are closed.