ନୂଆଦିଲ୍ଲୀ : ଦିଲ୍ଲୀର ମୁଖ୍ୟ ଶାସନ ସଚିବ ଅଂଶୁ ପ୍ରକାଶଙ୍କୁ ମାଡ ମରାଯିବା ଘଟଣା ପରିପ୍ରେକ୍ଷୀରେ ସରକାର ଏଣିକି ସମସ୍ତ ସରକାରୀ ବୈଠକର ସିଧା ପ୍ରସାରଣ କରିବାକୁ ଦିଲ୍ଲୀ ସରକାର ପ୍ରସ୍ତାବ ଗ୍ରହଣ କରିଛନ୍ତି। ପ୍ରସ୍ତାବ ଅନୁଯାୟୀ ସରକାରୀ ବୈଠକର ଅଡିଓ ଓ ଭିଡିଓ ପ୍ରସାରଣ ସମ୍ପୃକ୍ତ ବିଭାଗର ୱେବସାଇଟ୍ରେ ସିଧା ପ୍ରସାରଣ କରାଯିବ ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି। ଫେବୃଆରୀ ୧୯ରେ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲଙ୍କ ବାସଭବନରେ ମୁଖ୍ୟ ଶାସନ ସଚିବଙ୍କୁ ଆମ ଆଦମୀ ପାର୍ଟିର ଦୁଇଜଣ ବିଧାୟକ ମାଡ ମାରିଥିବା ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ ମୁଖ୍ୟମନ୍ତ୍ରୀ ଡକାଇଥିବା ଏକ ବୈଠକରେ ଯୋଗଦେବାକୁ ଶାସନ ସଚିବ କେଜରିୱାଲଙ୍କ ବାସଭବନକୁ ଯାଇଥିଲେ। ଏହି ବୈଠକ ସମୟରେ ମୁଖ୍ୟ ଶାସନ ସଚିବଙ୍କୁ ଦୁଇ ବିଧାୟକ ମାଡ ମାରିଥିଲେ। ଏହି ଘଟଣାକୁ ନେଇ ଦିଲ୍ଲୀର ଅମଲା ସଂଘ ଓ ସରକାର ମୁହାଁମୁହିଁ ହେବା ସହ ଉଭୟ ପକ୍ଷରୁ ମାମଲା ରୁଜୁ ହୋଇଛି। ମାମଲା ଆଧାରରେ ଅଭିଯୁକ୍ତ ଦୁଇ ବିଧାୟକଙ୍କୁ ଗିରଫ କରାଯାଇଛି।
Popular Categories
Previous article
Next article