ମୁମ୍ବଇ : ଏକତା କପୁର ପ୍ରଯୋଜିତ ‘ୟେ ହୈଁ ମୋହବତେଁ’ କାର୍ଯ୍ୟକ୍ରମ କିଛି ମାସ ତଳେ ଦର୍ଶକଙ୍କର ଅନ୍ୟତମ ପ୍ରିୟ ଧାରାବାହିକ ଥିଲା। ତେବେ ପ୍ରସାରଣ ସମୟ ପରିବର୍ତ୍ତନ ସହ କାହାଣୀରେ ମଧ୍ୟ ଭିନ୍ନତା ଦେଖିବାକୁ ମିଳିଥିଲା। ଗତ ୨ ମାସ ହେବ, ଏହି କାର୍ଯ୍ୟକ୍ରମର ଲୋକପ୍ରିୟତା ଦ୍ରୁତ ଗତିରେ ହ୍ରାସ ପାଇଛି। ନିଜର ଏଇ ବଡ଼ ବଜେଟ୍ର ଧାରାବାହିକର ପୁନଃ ଲୋକପ୍ରିୟତା ନିମନ୍ତେ ଏକତା ବିଭିନ୍ନ ପ୍ରକାର ପଦକ୍ଷେପ ନେଇ ନିରାଶ ହେଲେଣି। ମିଳିଥିବା ଖବର ଅନୁସାରେ, ଜାନୁଆରୀରେ ଏଇ କାର୍ଯ୍ୟକ୍ରମ ପ୍ରସାରଣ ବନ୍ଦ ହେବ। ପୁନଃ ଏକ ଲମ୍ବା ବିରତି ପରେ କାର୍ଯ୍ୟକ୍ରମ ନୂଆ କାହାଣୀ ସହ ପ୍ରସାରିତ ହେବ ବୋଲି ୟୁନିଟ୍ ତରଫରୁ କୁହାଯାଇଛି।
