ମୁମ୍ବାଇ : ଇଂଲଣ୍ଡକୁ ୨୨୯ ରନରେ ହରାଇଲା ଦକ୍ଷିଣ ଆଫ୍ରିକା। ଦକ୍ଷିଣ ଆଫ୍ରିକାର ୩୯୯/୭ ଜବାବରେ ଇଂଲଣ୍ଡ ମାତ୍ର ୧୭୦ ରନ କରିବାରେ ସଫଳ ହୋଇଥିଲା। ଚତୁର୍ଥ ମ୍ୟାଚରେ ତୃତୀୟ ପର୍ଯ୍ୟାୟ ସହ ଇଂଲଣ୍ଡ ନବମ ସ୍ଥାନକୁ ଖସିଯାଇଥିବାବେଳେ ଚତୁର୍ଥ ମ୍ୟାଚରେ ତୃତୀୟ ବିଜୟ ସହ ଦକ୍ଷିଣ ଆଫ୍ରିକା ତୃତୀୟକୁ ଉନ୍ନୀତ ହୋଇଛି।
ମୁମ୍ବାଇର ୱାଙ୍ଖେଡ଼େ ଷ୍ଟାଡିୟମଠାରେ ଚାଲିଥିବା ଆଇସିସି ବିଶ୍ବକପ ଉତ୍କଣ୍ଠାପୂର୍ଣ୍ଣ ମ୍ୟାଚରେ ବିଶ୍ବ ଚାମ୍ପିଅନ ଇଂଲଣ୍ଡ ଦକ୍ଷିଣ ଆଫ୍ରିକାଠାରୁ ୨୨୯ ରନରେ ପରାଜିତ ହୋଇଛି। ଦକ୍ଷିଣ ଆଫ୍ରିକାର ୪୦୦ ରନ ଲକ୍ଷ୍ୟ ଜବାବରେ ଇଂଲଣ୍ଡ ମାତ୍ର ୧୭୦ ରନ କରି ଅଲଆଉଟ ହୋଇଯାଇଛି। ଦକ୍ଷିଣ ଆଫ୍ରିକାର ବୋଲିଂ ଆଗରେ ତାରକା ଖଚିତ ଇଂଲଣ୍ଡ ବ୍ୟାଟିଂ ଲାଇନଅପ୍ ବିପର୍ଯ୍ୟୟ ସହ ଆତ୍ମ ସମର୍ପଣ କରିଥିଲେ। ତେବେ ନବମ ଓ ଦଶମ ସ୍ଥାନରେ ଆସିଥିବା ଗସ ଅଟକିନସନ ଓ ମାର୍କ ଉଡ୍ କିଛି ସମୟ ତିଷ୍ଠି ରହିଥିଲେ। ମାର୍କ ୪୩ ରନ ଓ ଅଟକିନସନ ୩୫ ରନ କରିଥିଲେ। ଦକ୍ଷିଣ ଆଫ୍ରିକା ପକ୍ଷରୁ ଗେରାଲ୍ଡ କୋଟଜି ୩ଟି ଓ୍ବିକେଟ ନେଇଥିବାବେଳେ ଲୁଙ୍ଗି ଏନଗିଡି ଓ ମାର୍କୋ ଜନସେନ ୨ଟି ଲେଖାଏଁ ୱିକେଟ ନେଇଥିଲେ।
ଇଂଲଣ୍ଡ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିବାକୁ ଆସି ଦକ୍ଷିଣ ଆଫ୍ରିକା ପ୍ରଥମ ଓଭରରେ ପ୍ରଥମ ୱିକେଟ ହରାଇଥିଲା। ଏହାପରେ ରିଜା ହେଣ୍ଡରିକ୍ସ ଓ ରାସି ଭାନ ଡର ଦୁସେନ ବିସ୍ଫୋରକ ବ୍ୟାଟିଂ କରି ଦଳୀୟ ସ୍କୋରକୁ ମଜବୁତ କରିଥିଲେ। ହେଣ୍ଡରିକ୍ସ ୮୫ ଓ ଦୁସେନ ୬୦ ରନ ସହ ହେନେରିକ୍ କ୍ଲାସେନ ମାତ୍ର ୬୭ଟି ବଲ ଖେଳି ୧୦୯ ରନ କରିଥିଲେ । ସେହିପରି ମାର୍କୋ ଜାନସେନ ମଧ୍ୟ ୭୫ ରନ କରିଥିଲେ। ଦକ୍ଷିଣ ଆଫ୍ରିକା ନିର୍ଦ୍ଧାରିତ ୫୦ ଓଭରରେ ୭ୱିକେଟ ବିନିମୟରେ ୩୯୯ ରନ କରିଥିଲା। ଏହାର ଜବାବରେ ଇଂଲଣ୍ଡ ମାତ୍ର ୧୭୦ ରନ କରି ଦକ୍ଷଇଣ ଆଫ୍ରିକାଠାରୁ ପରାଜିତ ହୋଇଥିଲା।
Comments are closed.