ମୋହନା : ଗଜପତି ଜିଲ୍ଲା ମୋହନା ବନବିଭାଗ ଚଢ଼ାଉ କରି ଏକ ମିନି ଟ୍ରକରୁ ବିପୁଳ ପରିମାଣର ପିଆଶାଳ ସାଇଜ କାଠ ଜବତ କରିବା ସହ ଗାଡ଼ ଚାଳକ ସମେତ ୩ ଜଣଙ୍କୁ ଗିରଫ କରିଛି । ସୂଚନା ପ୍ରକାରେ, ଗଜପତି ଜିଲ୍ଲା ଅଡ଼ବା ଥାନା ହରଭଙ୍ଗି ଡ୍ୟାମ ରାସ୍ତାରେ ମୋହନା ବନ ବିଭାଗ ଅଧିକାରିଣୀ କଳ୍ପନା ନାୟକଙ୍କ ନେତୃତ୍ୱରେ ମୋହନା, ଅଡ଼ବା ଓ ନଳାଘାଟ ବନ କର୍ମଚାରୀଙ୍କ ମିଳିତ ଏକ ଟିମ ବିଳମ୍ବିତ ରାତିରେ ଅଡବା ଥାନା ଅନ୍ତର୍ଗତ ଆଠବଖରା ନିକଟରେ ଚଢ଼ାଉ କରି ଏକ ମିନି ଟ୍ରକରୁ ୫୦ ଖଣ୍ଡ ପିଆଶାଳ ସାଇଜ କାଠ ଜବତ କରିବା ସହ ୩ ଜଣଙ୍କୁ ଗିରଫ କରିଛନ୍ତି । ଗିରଫ ଅଭିଯୁକ୍ତମାନେ ହେଲେ, ଗୁରୁଝୋଳି ଗାଁର ବାବୁଲା ବେହରଦଳାଇ, ପଣସଡ଼ିହ ଗାଁର ନିର୍ମଳ ବେହରଦଳାଇ ଓ ପୁରୁଣାପାଣି ଗାଁର ମାନସ ମାଝୀ । ଅଭିଯୁକ୍ତମାନେ ଅଡ଼ବା ଡ୍ୟାମ ଅଞ୍ଚଳରୁ ପିଆଶାଳ କାଠ ନେଇ ଗଞ୍ଜାମ ଜିଲ୍ଲା ବଡଗଡ଼କୁ ଚାଲାଣ କରୁଥିବା ବେଳେ ବନବିଭାଗ ଚଢ଼ାଉ କରି କାଠ ଜବତ କରିଛି । ଜବତ କାଠର ଆନୁମାନିକ ମୂଲ୍ୟ ଦେଢ଼ ଲକ୍ଷ ଟଙ୍କାରୁ ଉର୍ଦ୍ଧ୍ବ ହେବ ବୋଲି ବନ ବିଭାଗ ପକ୍ଷରୁ ସୂଚନା ମିଳିଛି ।
Comments are closed.