ଆଠଗଡ: ଓଡିଶା ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଆନୁକୂଲ୍ୟରେ ଜୋନସ୍ତରୀୟ ପୁରୁଷ ଖୋ ଖୋ ପ୍ରତିଯୋଗିତାରେ ଆଠଗଡସ୍ଥିତ ଗୋପବନ୍ଧୁ ବିଜ୍ଞାନ ଉଚ୍ଚ ମାଧ୍ୟମିକ ବିଦ୍ୟାଳୟର ଖୋ ଖୋ ଦଳ ଚାମ୍ପିଅନ ଆଖ୍ୟା ଅର୍ଜନ କରିଛି। ଗୁରୁଡିଝାଟିଆର ଏସଏସଡି କଲେଜ ଖେଳପଡିଆରେ ଏହି ଜୋନାଲ ଖୋ ଖୋ ପ୍ରତିଯୋଗିତା ନଭେମ୍ବର ୨୫ ଓ ୨୬ ତାରିଖରେ ଦୁଇଦିନ ଧରି ଆୟୋଜିତ ହୋଇଥିଲା। ମୂଳରୁ ଉନ୍ନତ ଖେଳ ପ୍ରଦର୍ଶନ କରିଥିବା ଗୋପବନ୍ଧୁ ବିଜ୍ଞାନ କନିଷ୍ଠ କଲେଜ ଖୋ ଖୋ ଦଳ ସେମିଫାଇନାଲରେ ରେଭେନ୍ସା ଉଚ୍ଚ ମାଧ୍ୟମିକ ବିଦ୍ୟାଳୟ ଦଳକୁ ଏବଂ ଫାଇନାଲରେ ବାଙ୍କୀ ଉଚ୍ଚ ମାଧ୍ୟମିକ ବିଦ୍ୟାଳୟକୁ ପରାସ୍ତ କରି ଜୋନାଲ ଚାମ୍ପଅନ ହୋଇଥିଲା। ପରିଚାଳକ ତଥା ଆଠଗଡ କଲେଜ କ୍ରୀଡା ସଂସଦ ଉପସଭାପତି ସଚ୍ଚିଦାନନ୍ଦ ଜେନା ଓ କ୍ରୀଡା ଶିକ୍ଷକ ସ୍ପିତିରଞ୍ଜନ ରାଉତଙ୍କ ନେତୃତ୍ବରେ କଲେଜ ଖୋ ଖୋ ଦଳ ଏହି ପ୍ରତିଯୋଗିତାରେ ଅଂଶଗ୍ରହଣ କରିଥିଲେ । କଲେଜ ପାଇଁ ଗୌରବ ଆଣିଥିବା ଚାମ୍ପିଅନ ଦଳର ଖେଳାଳିମାନଙ୍କୁ ଅଧ୍ୟକ୍ଷ ଡ.ଲୋକନାଥ ସାହୁ ଏବଂ ଅନ୍ୟ ଅଧ୍ୟାପକ/ଅଧ୍ୟାପିକା ଓ କର୍ମଚାରୀ ଅଭିନନ୍ଦନ ଜଣାଇବା ସହ ଆଗକୁ ଆହୁରି ଭଲ ପ୍ରଦର୍ଶନ ପାଇଁ ଉତ୍ସାହିତ କରିଥିଲେ ।
Comments are closed.