ନୂଆଦିଲ୍ଲୀ : ହ୍ୱାଟ୍ସଆପ୍ ଏପରି ଏକ ଆପ୍ ଯାହାର ବ୍ୟବହାର ସଭିଏଁ ନିଜର ବନ୍ଧୁ ପରିଜନ, ପରିବାର ଠାରୁ ଆରମ୍ଭ କରି କାର୍ଯ୍ୟାଳୟର କାମ ପାଇଁ ମଧ୍ୟ କରି ଥାନ୍ତି। ଉପଭୋକ୍ତାଙ୍କ ରୁଚି ଓ ଆବଶ୍ୟକତାକୁ ଦେଖି ହ୍ୱାଟ୍ସଆପ୍ ନୂଆ ନୂଆ ଫିଚର୍ ଆଣିଥାଏ । ଏବେ ହ୍ୱାଟ୍ସଆପ୍ରେ ଏକ ନୂଆ ଫିଚର୍ ଯୋଡି ହୋଇଛି । ଏହାର ସାହାଯ୍ୟରେ ନିଜ ଭିଡିଓରେ ଗୀତ ମଧ୍ୟ ଚଲାଇ ପାରିବେ । ଏହି ଫିଚର୍ ଇନଷ୍ଟାଗ୍ରାମ୍ ଭଳି । କିଛି ଦିନ ପୂର୍ବରୁୁ ହ୍ୱାଟ୍ସଆପ୍ ଷ୍ଟାଟସ୍ରେ ଲୋକଙ୍କ ନାମ ଲେଖିବାର ନୂଆ ସୁବିଧା ଆସିଥିଲା । ଠିକ୍ ସେହିପରି ଯେପରି ଇନଷ୍ଟାଗ୍ରାମ୍ରେ କରାଯାଉଥିଲା । ବର୍ତ୍ତମାନ ହ୍ୱାଟ୍ସଆପ୍ରେ ମଧ୍ୟ ନିଜ ଷ୍ଟୋରୀରେ ଗୀତ ଯୋଡି ପାରିବେ । ଯେମିତି ଇନଷ୍ଟାଗ୍ରାମ୍ରେ କରାଯାଏ । ଏହି ସୁବିଧା ବର୍ତ୍ତମାନ କିଛି ହ୍ୱାଟ୍ସଆପ୍ରେ ଚାଲୁଛି । ଯାହା ବିଟା ଟେଷ୍ଟର ବୋଲି କୁହାଯାଏ।
ଜାଣନ୍ତୁ କେଉଁ ସମୟରେ ଦେଖୁଥିବା ସ୍ୱପ୍ନ ନିଶ୍ଚୟ ହୁଏ ସତ! ଏହି ସ୍ୱପ୍ନ ଦିଏ ଧନଲାଭର ସଙ୍କେତ..
WABetainfo ଅନୁଯାୟୀ, ହ୍ୱାଟ୍ସଆପ୍ରେ ଏହି ନୂଆ ଫିଚର ଖୁବ୍ ଶୀଘ୍ର ଆସିବାକୁ ଯାଉଛି । ଏଥିରେ ନିଜ ଷ୍ଟୋରୀରେ ଗୀତ ଲୋଡ୍ କରି ପାରିବେ । ନିଜ ଷ୍ଟୋରୀ ତିଆରି କରିବା ସମୟରେ ଏକ ନୂଆ ଅପସନ୍ ଆସିବ । ଏଥିରେ ବିଭିନ୍ନ ଗୀତ ପାଇଁ ଚୟନ କରିବାକୁ ବିକଳ୍ପ ଆସିବ । ଇନଷ୍ଟାଗ୍ରାମ୍ ଭଳି ଏହା କାମ କରିବ ।
ହ୍ୱାଟ୍ସଆପ୍ ଷ୍ଟେଟସ୍ରେ ଷ୍ଟୋରୀ ରଖିବା ସମୟରେ ଆପଣଙ୍କୁ ଏକ @ ଚିହ୍ନ ଦେଖାଯାଏ । ଏହାକୁ କ୍ଲିକ୍ କରିବା ପରେ କଣ୍ଟାଣ୍ଟଙ୍କର ଏକ ତାଲିକା ଆସିଯିବ । ଯାହାକୁ ମଧ୍ୟ ନିଜ ଷ୍ଟୋରୀରେ ସାମିଲ କରିବାକୁ ଚାହୁଁଛନ୍ତି, ତାଙ୍କ ନାମ ଚୟନ କରନ୍ତୁ । ଏହାପରେ ଆପଣଙ୍କ ବନ୍ଧୁ ଜାଣି ପାରିବେ ତାଙ୍କୁ ମନେ ପକାଇ ଆପଣ ଷ୍ଟୋରୀରେ ସାମିଲ କରିଛନ୍ତି ।
ଥରେ ଚାର୍ଜ କଲେ ଗୋଟିଏ ମାସ ଚାର୍ଜ ରଖେ ଏହି ଫୋନ୍ ; ୨୦୦ ଏମପି କ୍ୟାମେରା, ଚଟାଣରେ ପିଟିଲେ ବି ଭାଙ୍ଗିବନି..
